1、Ndaw rug aeu doeng rumz ndei. Danghnaeuz hai gunghdiuz, aeu fuengz rumzliengz gyoet lai, hix gaej hawj denfungsan cigciep ci daengz gwnz ndang vunz, mienxndaej baenz dwgliengz.

2、Gaenx caemxndang, baujciz aenndang seuqsak. Ceiq ndei dwg moix ngoenz aeu raemxraeuj rwed caemx、cung swiq roxnaeuz mad ndang.

3、Gaenx rieg buhvaq, baujciz aenndang liengzsangj. Buhndaw aeu daenj gij buhfaiq doeng heiq sup cumx ndei haenx. Buh aeu gvangq hung mbouj nem ndang, yienghneix ndaej baujciz aenndang liengzsangj.

4、Ok rog aeu daenj mauh dangj ndit, banringz aeu ninzringz yietnaiq ndei.

5、Gwnndoet aeu liengzsangj habbak, gwn siuj gwn lai donq. Lai gwn cingliengz yinjliu, gaej gwn gij huq mwtnaeuh, fuengz baenz dungxsiq.