Ciuq gih fuzbinzban lingjdauj gaisau naeuz,“12·5” seizgeiz, gih raeuz yaek doiq 3000 aen mbanj gungzhoj hengzguh daengx mbanj doicaenh fuzbinz haifat, coicaenh ginghci、sevei、swnghdai mbanj gungzhoj cienzmienh bae fazcanj, saedyienh nungzminz bingzyaenz moix vunz cinghsouhaeuj demhwnj fukdoh sang gvaq daengx gih bingzyaenz suijbingz.

Ciuq gaisau, 3000 aen mbanj gungzhoj faenbouh youq gih raeuz 105 aen yienh(si、gih), 1003 aen yangh(cin), ciemq gih raeuz daengx gih hingzcwngcunh cungj- soq 21.1%.

“12·5” geizgan, gih raeuz giva fazcanj dajciengx aeu mou、cwz、yiengz、douq、suijcanj guhcawj gak loih daeuzseng 314 fanh moux, fazcanj aeu daegsaek nungzcanjbinj gyagoeng guhcawj veizhingz siujgiyez 1 fanh aen. Linghvaih, lij gaengawq mbanj gungzhoj ginghci sevei fazcanj cingzgvang, saedhengz giek- daej sezsih gensez、vunz youq vanzging caeuq swnghdai gensez、gunghgung fuzvu caeuq sevei saehnieb gensez daengj haehlied hanghmoeg dem.

(Yangz Ciyungz Vangz Yenmeiz)