Bahmaj Yauzcuz Swciyen gauhswh diswz miz coicaenh lwed lae baedauq caeuq gaijndei sai sim lwed aen saenzgeiz cozyung neix, moix bi yinx gyawj 200 fanh hekyouz daeuj neix ciengx ndang.

Diswz yinx gyoengq hekyouz baihrog haeujdaeuj, aen lijyouzyez swzcangz cix yinx 2 fanh lai vunzgoeng bonj yienh okrog bae dajgoeng haenx dauqranz cauxnieb. Bahmaj Cin Lenyangh Cunh Vangz Cwngfangh couh dwg gyoengqvunz okrog dajgoeng haenx boux ndeu, de youq baihrog dajgoeng 17 bi lo, bi- gvaq, de swzhong dauqma bakdou mbanjranz hwnjban lo.

2011 nienz 7 nyied, aen yienzcungj mouseiq bi canj 20 fanh duz mouseiq gihdi、gyonj roengzngaenz 1.8 ik maenz ngaenz haenx youq Myauz Dunz guhbaenz, Vangz Cwngfangh youq ndaw gihdi dang baujanh duicangj.

Geij bi daeuj, riengzdwk guekgya cwngcwz daeuj fuzrex, Cungh Sihbu vaiqriengj hwng hwnj, aeu yungh daihliengh vunzgoeng. Geij bi neix, Bahmaj souhgyaeu ciengx ndang canjyez ngoenz beij ngoenz hung, yinx haujlai vunzgoeng bae rog dajgoeng haenx dauqma mbanjranz cauxnieb. 2009 nienz gvaqdaeuj daengz seizneix, gungh miz 2 fanh lai boux vunzgoeng dauqranz cauxnieb.

2009 nienz gvaqdaeuj, Bahmaj Yauzcuz Swciyen gungh gaihcanj vunzhong lajmbanj senj ra guhhong beizyin 70 geiz, mauhgvaq 1 fanh vunzbaez camgya beizyin. Gyoengq vunzgoeng dauqranz haenx daih’iek miz 2 fanh vunz ra ndaej hong guh, ciemq gyoengq vunzgoeng dauqranz 92%.

Ndaw doz dwg ciengz ciengx mouseiq gak ndeu.

(Veiz Gaijvwnz)