隆林:干群半夜三更赶“天街”

Daj 5 nyied ndawco hwnj, moix daengz ngoenzhaw, Lungz- linz Gak Cuz Swciyen Cejbauj Yangh gyoengq dangjcwng ganbu cizgungh doengjit youq byongh- hwnz hwnqdaeuj bae ganj “haw”, neix dauqdaej dwg maz saeh ne?

Laxlawz, aen yangh neix youq mwh gaihcanj “Gyaeuget Cejbauj·Seuqcingh Lajmbanj” hozdung ndawde, vih gaijbienq diuzgai Cejbauj gaxgonq uq、luenh、yaez caeuq vunz ci doxcaenx doxsaek yienhsiengq, aen yangh neix daezgonq guh senhconz le, moix ngoenzhaw haemh gaxgonq comz daengx- gyoengq ganbu cizgungh haihoih anbaiz guhhong, daengz haet daihngeih 4 diemj cung, daengx- gyoengq ganbu cizgungh doengjit hwnqmbonq, youq yangh lingjdauj daiqlingx lajde faen baenz 4 aen gunghcozcuj, ganj youq canghhek caeuq vunzlai haeuj haw gaxgonq, faen duenh bae youq gwnzhaw giz “haj luenh” guh cienzmienh ceihleix cwngjdun, caemhcaiq veizhu hawciengz cizsi, cigdaengz ngoenz daihngeih sanq haw. Baenzneix laebdaeb genhciz sam aen singhgiz le, diuzgai Cejbauj seuqsak bienq yiengh moq lo, gyoengq canghhek caeuq vunzlai hix daihdaih fuengbienh lo.

(Vangz Dingcan)