Gaenh bi daeuj, Liujcwngz Yen laeb“giyez+hozcozse+gihdi+nungzhoh” doxhab ginghyingz mozsi, guhbaenz makgam canjyezlen, vih dieg saujsu minzcuz nungzyez dem yauyiz、nungzminz demsou daezhawj aen canjyez baengh he, aeundaej cwngzyau yienhda.

Dangqnaj, aen yienh neix dwg ndaw guek aen canjgih cujyau swnghcanj makgam he (daengx guek gungh miz sam aen), gij makgam aen yienh neix cujyau siu bae gij singz rog gih nem Dunghnanzya gozgyah, ginghci yauyiz yienhda. Gungh laebbaenz lwgmak conhyez hozcozse 17 aen, laebguh makgam swnghcanj sifan gihdi 16 aen, hohsifan 128 hoh, menciz 6000 lai moux. Doenggvaq sifan daiqdoengh, bineix daengx yienh caiq ndaem makgam menciz 1.05 fanh moux, guj bineix daengx yienh gungh ndaem makgam 21.2 fanh moux, canjlieng 22.5 fanh dun, canjciz 7.3 ik maenz, dieg saujsu minzcuz doenghgij ranz ndaem makgam haenx moix hoh demsou 4.7 fanh maenz. Makgam canjyez cug mbaek baenz cungj canjyez hung hawj aen yienh neix ginzcung saujsu minzcuz ndaej demsou he.

(Veiz Ginzvah)