●5 nyied 24 hauh, Liujcouh Gohgi’gvanj、 Yungzsuij Myauzcuz Swciyen Gohgigiz nem Cingh- saunenz Hozdung Cungsim daengj danhvei lienzhab gawjbanh“2013 nienz daengx guek gohgi hozdung couh Yungzsuij hozdung gijdung yizsi nem Liujcouh Gohgi’gvanj haeuj Yungzsuij”hozdung, hoz- dung ndeiyawj youh mizyinx, hawj gyoengqnyez Myauzcuz angqyangz raixcaix.

(Liu Swjyenh)

●5 nyied 24 hauh, Denzlinz Yen Minzcuzgiz daengz ndaw yienh minzcuz siujyoz gaihcanj“cauxguh minzcuz doxgiet cinbu mozfangih”senhconz gyauyuz hozdung. Doenggvaq guh baez hozdung neix, bangcoengh hagseng laebhwnj gvanhnen“sam aen mbek mboujndaej”, cauxguh aen senh- conz fwnveiz noengzna he.

(Denzlinz Minzcuzgiz)

●Gaenh bi daeuj, Yungzanh Yen Banjlanj Cin doiok aen cosih moq cwngjfuj mienxfeiq yinx nungzminz okrog bae gaujcaz, bienq dajndaem gezgou. Nungz- minz dangdieg heuh cungj cosih neix guh“nungzyez gohgi yawj ngoenz he”. Daengz dangqnaj, aen cin neix gaenq miz gyawj 1000 boux nungzminz ndaej dang cungj“hekyouz” neix.

(Veiz Cujswz)

●5 nyied 16 hauh, vih guh ndei hong bangcoengh nungzminz souh’ik nem fuzbinz, caensim vih nungzminz fuzvu, Dunghlanz Yen Minzcuzgiz daengz gizdieg fuzbinz Sanhlung Yauzcuz Yangh Swnghdung Cunh guh“soengq vafeiz roengz lajmbanj”hozdung, mienxfeiq soengq buek niusu he hawj gij ranz nungzminz gungzhoj.

(Lanz Dunghyin)

●Daj bineix daeuj, Lozyez Yen anbaiz 16 boux saujsu minzcuz gohgiz lingjdauj bae Denzyangz Yen gvaciz beizyangj, caenh’itbouh gya’gvangq loh- naemj guhhong、okmoq gunghcoz lijnen、gaijndei gunghcoz fuengsik.

(Yangz Swngciz)