□ 关仕京 搜集翻译

（接上期）

Sai: Gyaez meh sam faen gaeuj，

Gyaez nuengx gouj faen cingz；

Ndaej caeuq naengh doxing，

Youq aensim cij cih.

男：爱娘三分见， 爱妹九分情；

能与妹靠背， 阿哥心才定

Mbwk: Mwngz gyaez doma beix，

Faenhgou ngeix gya lai；

Dangq Sanbek Ingdaiz，

Gyaez dai doxcaemh moh.

女：不仅哥眷恋， 我更加思念；

像山伯英台， 死后共墓连。

Sai: Gyaez nuengx dangq diuzbuh，

Mbouj rox mbwq saekseiz；

Yawj haeuj laeng mwngz bae，

Cungj mbouj ngeix bouxwnq.

男：爱妹像穿衣， 哪时都不怨；

看上阿妹你， 不再有别恋。

Mbwk: Ciuq mwngz gyaez gou beix，

Dangq mbawceij baenz na；

Faenhnuengx gyaez mwngz ga，

Lumj goengqbya baenz naek.

女：哥爱我情感， 厚度如纸张；

妹爱你情意， 重量胜大山。

Sai: Bak gangj cix ciuq sim，

Caen gim mbouj bienq gyaj；

Gyaez mwngz lai nuengx ha，

Siengj caemh gya ndeu youq.

男：嘴说心里话， 真金不变假；

珍爱你阿妹，想同住一家。

Mbwk: Ciuq gij gyaez gou ni，

Mbouj nyienh liz saek yamq；

Liz yamq dangq liz bi，

Caen mbouj sij biek beix.

女：依照我爱意， 一步不愿离；

离日如隔年， 不舍别哥去。

Sai: Gyaez ha gyaez，

Gyaez dangq sae nem vanj；

Gyaez bohmeh ndaej gangj，

Gyaez nuengx langh simdaeuz.

男：爱呀爱， 爱似螺黏碗；

爱父母可说， 爱妹藏心坎。

Mbwk: Gyaez ha gyaez，

Gyaez dangq sae nem bat；

Gyaez bohmeh gyaez bak，

Gyaez beix gat saihoz.

女：爱呀爱， 爱如螺粘盘；

爱爹娘嘴说， 爱哥断心肝。

Sai: Gou gyaez mwngz lailai，

Gwn ngaiz mbouj daengz laj；

Gyaez mwngz lai nuengx ga，

Gangjvah mbouj baenz coenz.

男：爱你情依依， 饭咽不下去；

太爱你呀妹， 我话不成句。

Mbwk: Gyaez beix lai aek in，

Ngeix lai sim cix vaih；

Seiq you seiq doeknaiq，

Daiq byaij cungj ndi baenz.

女：太爱哥胸痛， 想多心也疼；

越忧越消极， 路也走不成。

Sai: Gou gyaez mwngz lailai，

Hix byaij ndang hix saenz；

Ngoenz sied buenq sied gaen，

Nuengx ngeix daengz loma?

男：我爱你深厚， 越走身越抖；

日瘦斤几两， 妹想到与否？

Mbwk: Mwngz gyaez gou maz beix，

Gou ngeix mwngz gya lai；

Lij lix caemh dangq dai，

Siuj seihaiz caengz naeuh.

女：不仅哥爱我， 我想你更多；

生着如同死， 剩尸骨苟活。

Sai: Gyaez mwngz lai ga doengz，

Ngoenz lawz ngoenz mbouj un？

Duznyanh mbin gvaq gwnz，

Ngeixnaeuz lwnz daeuj cimh.

男：太爱慕朋友， 哪天不念到？

大雁飞过天， 以为妹来找。

Mbwk: Gyaez mwngz lai ga gim，

Gau roengz ninz hix siengj；

Haet hwnq doengfueng iengj，

Yawj gvaq mbiengj mwngz bae.

女：太爱你呀金， 睡下也思念；

早起东方白， 总望你那边。

Sai: Gyaez mwngz lai nuengx ha，

Laep da cix raen ingj，

Siengj ok hwnz bae cimh，

Cix lau mingh mbouj lw.

男：爱妹太挂心， 闭眼就见影；

想夜间去访， 又怕不合命。

Mbwk: Beix gyaez nuengx caemh

gyaez，

Dangq maesei it saek；

Mwngz naek gou caemh naek，

Dangq lwggaet laj hoz.

女：哥恋妹也恋， 像同色丝线；

你爱我也爱， 脖下衣扣连。

Sai: Ciuq song raeuz doxgyaez，

Ra gaiq beij mbouj raen；

Gyaez mwngz dangq mak aen，

Fwngz gaem mbouj gyaez cuengq.

男：咱俩爱得狂， 啥都比不上；

爱你如馋果， 手握紧不放。

Mbwk:Youq ngoenzngoenz cungj

dwen，

Ndwenndwen gou cungj siengj； Muengh miz ngoenz doxbuenx， Caiq doxvuenh simdaeuz.

女：天天在恭候， 月月我想友；

盼有相伴日， 再互换心头。

(caengz sat)