Nohbit mboujdanh hamz miz danbwzciz cungj yangjliu neix, lij ndaej yawhfuengz bingh dem. Nohbit singq caepliengz, daegbied hab boux ndaw ndat、boux hwnjhuj gwn. Nohbit caeuq hojduij、haijsinh caez aeuq gwn, ndaej bouj gij yaem dungxsaej bwtdaep; nohbit caeuq haeuxcid caez cawj cuk gwn, ndaej ciengx dungx、bouj lwed、seng raemx, boux bingh le ndang haw gwn daih miz ndeicawq; nohbit caeuq haij- dai caez aeuq gwn, ndaej hawj sailwed unq、gyangqdaemq hezyaz, ndaej fuengzceih doenghmeg giet ndongj、fuengzceih hezyaz sang、fuengzceih binghsimdaeuz; nohbit caeuq rangz caez aeuq gwn, ndaej yw baezhangx ok lwed.