Youq Gangyiz Cancwngh seiz, miz boux cinhcazyenz iq ndeu heuh Cangh Gaj. Cangh Gaj dwg boux lwgnyez maenh’ak、coeng- mingz、hozboz、catheiq ndeu. Youq baez candou ndawde, yungh ndaek cungqfaex Cwnz Gangh boh’au soengq hawj de haenx, bae yaeuh Cai Dwngz baj cungq caen ndeu. Yungh gij coengmingz de gouq Laujcung boh’au okdaeuj, hix bang daxbuz ndeu bauqcaeuz, dawz dizyinz cienzbouh hoenx dai bae. Youq candou gezsuz le, Cenz duicangj cingqsik senhbu baj cungq haenx couh fat hawj de yungh. De angq raixcaix, lienz fan geij baez dingjdaeuj.

Cangh Gaj dwg boux siuj yinghyungz coengmingz lingzleih ndeu, cawjeiq gig lai. Viuhliux mied dizyinz, mbouj lau dai, lij bang mehmbwk dwzbaiyenz Liuz Yen cienz cingzbau. Yungh aen uk coengmingz de, fatyienh gyaj dwzbaiyenz, leihyungh gij geiq- maeuz diuh guk liz bya haenx, hai maxci hoengq yinx dizyinz deuz bae, hawj gij yw ndaej cwngzgungh senjdeuz, vih Bazluginh laeb le haujlai goenglauz.

Gou yawj《Siujbingh Cangh Gaj》sat le，hawj gou rox haujlai dauhleix, hawj gou rox Gangyiz yinghyungz guh gij dwgrengz haenx. Cangh Gaj yienznaeuz dwg boux yinghyungz lwgnyez cozgyah gag siengjsieng okdaeuj haenx, hoeng gij yijyenz、 hengzdoengh caeuq cingsaenz de, hawj raeuz bae yozsiz. Yienghneix gou engq aeu roengzrengz yozsiz, hag bonjlingj ndei bae, vih guekcoj lai gungyen gij ligliengh cihgeij.

（指导老师：蓝卫松）