Gou doeg gvaq coenz vah ndaw saw mizmingz ndeu:“Saw dwg mbaeklae bouxvunz cinbu”. Coenz vah neix dwg Gauh’wjgih gangj. Gou doiq coenz vah neix dwg baenzneix lijgaij: Swhgeij doegsaw lai cihsiz cij lai, ukgyaeuj cij ndaej cungsaed, bouxvunz cij ndaej cinbu.

Ciuhgeq ndaw guek rog guek miz haujlai vwnzyozgyah dwg aenvih gaenx doeg ndaej baenzcaiz, Gauh’wjgih couh dwg ndawde boux ndeu.

Gauh’wjgih dwg vwnzyoz- gyah gaxgonq Suhlenz, mwh de lij iq, ndaw ranz cibfaen gungzhoj, fouzfap haeujhag doegsaw, cijndei okbae ra dajgoeng. Aenvih de haengj doegsaw, ciengz deng laujbanj fokndaq. Hoeng de lij ciuqyiengh genhciz doegsaw, de ciengzseiz soucomz youzlab ranz laujbanj ndik doek gwnz namh haenx guhbaenz aen daengyouz he, haemh- naengz gyanghwnz, de cungj hwnqdaeuj doegsaw. Ngoenz doek ngoenz, bi doek bi, daengzlaeng baenz boux vwnz- yozgyah daengx seiqgyaiq riuz- mingz ndeu.

Doeg sat cit goj Gauh’wjgih neix, gou engqgya mingzbeg gij hamzeiq coenz vah mizmingz neix lo, doegsaw ndaej fungfouq cihsiz duhraeuz, vih gij moenghsiengj cap hwnj doiq fwed ndeu.

Gou gyaez coenz vah mizmingz neix——Saw dwg mbaeklae bouxvunz cinbu.

(seiq nienzgaep Vangz Suiyij)