Vih coengh bouxcanzciz saujsu minzcuz lajmbanj engq ndei gaem- maenh dajndaem dajciengx gisuz, hawj bouxcanzciz ciuyez gihvei engq lai, coicaenh bouxcanzciz demsou baenzfouq, 5 nyied 21 hauh daengz 22 hauh, Dwzbauj Yen Minzcuzgiz caeuq Yienh Canzlenz youq yienh cwngfuj lijdangz lienzhab gawjbanh bouxcanzciz saujsu minzcuz laj- mbanj dajndaem dajciengx gisuz beizyinbanh, cingj ndaw yienh nungzyezgiz nem cuzmuz souyihgiz doenghboux conhyez gisuz yinzyenz daeuj hwnjdangz, son daengx yienh 120 boux bouxcanzciz nem vunzranz bouxcanzciz baenzlawz dajndaem lwgmak、ganq gomak lwgmak nem dajciengx gisuz daengj cihsiz, caemhcaiq fat 100 lai faenh swhliu hawj gyoengqde.

Doenggvaq guh baez beizyin neix, sawj haujlai bouxcanzciz nem vunzranz bouxcanzciz gaemdawz monz gisuz he, hawj gyoengqde ndaej gag baengh goengrengz cauxgwn, hawj gyoengqde engq miznaj, coicaenh ranz bouxcanzciz demsou.

(Nungz Yungjfang)