Vih swnjcienz vwnzva minzcuz maenhndei, hawj fwen miz vunz swnjcienz, coicaenh Ningzmingz vwnzva hoenghhwd fazcanj, hawj vunzlai vwnzva swnghhoz gvaq ndaej engq ndei, giethab gaihcanj“vwnzva haeuj lajmbanj” hozdung, 5 nyied 21 hauh, Ningzmingz Yen youq ndaw yienh vwnzdijgvanj gawjbanh 2013 nienz Fwencuengh beiz- yinbanh. Yienh vwnzva’gvanj gvanj- cangj、minzcuzgiz fugizcangj、minz- yijban ganbu、Fwencuengh hezvei veiyenz、Banhlungz gohvujdui caeuq gak yangh(cin) daibyauj gungh 40 lai vunz camgya le beizyin.

Baez beizyin neix cingj Fwencuengh Hezvei cujsiz Ganh Saugwngj daeuj hwnjdangz. Youq hwnjdangz seiz, goeng canghfwen neix giethab gingniemh swhgeij, gangj le Fwencuengh gij daeg- diemj、gihcuj gainen、soucomz、faenloih、 lijlun moq、baenzlawz bienguh、fap ciengq nem byaujyenj gisuz daengj neiyungz, de gangj ndaej laegfeuh ngamq hab, faencek daengz ndaw.

Doenggvaq beizyin, gyoengq yozyenz souh’ik gig lai, bouxboux cungj naeuz yaek hawj Fwencuengh mingz riuz engq gyae, hawj daihlaeng swnjcienz roengzbae; aeu Vahcuengh eu, hawj vwnzva Byaraiz bauj daeg- saek bonjfaenh.

(Vangz Danh)