●5 nyied 15 daengz 20 hauh, Liujgyangh Yen youq ndaw yienh dijyuz cungsim gawjhengz minzcuz conzdungj dijyuz hanghmoeg—ciengj bauqva doxdax. Baez doxdax neix gungh miz 13 aen dui、156 boux yindungyenz camgya.

(Couh Gveifung)

●5 nyied 17 daengz 19 hauh, Gvangjsih Sinhvwnz Sezyingj Hez- vei nem Gvangjsih Minzsuz Sez- yingj Hezvei doenghboux gyaez sezyingj haenx gungh 50 lai vunz daengz Nazboh Yen Bwzswngj Yangh Sangvaz Cunh Mbanjgveih- lung(mbanj Yauzcuz)、Cwngz- siengh Cin Lungzvaz Cunh Mbanjdunhliz (mbanj Bouxcuengh) ndaw funghcingzyenz、Mbanjdazlaz (mbanj Yizcuz) daengj dieg guh minzsuz caijfungh hozdung.

(Vangz Bizvaz)

●5 nyied 18 hauh, Yangzsoz Yen minzcunghveij、vwnzlenz、gunghsanghlenz daengj mizgven lingjdauj caeuq gunghsanghgai daibyauj daengj 60 lai vunz daengz Fuzli Cin Lungzveij Cunh guh vwnzva hawj vunzlai souh’ik hoz- dung. Ngoenzhaenx, gunghsangh- gai daibyauj soengq doenghgij vwnzgi、vanzgi nem doxgaiq yungh gungh dij 2 fanh lai maenz haenx hawj Fuzli Cin Lungzveij Siujyoz, minzcunghveij ciuq moix boux 3000 maenz haenx soengq gij cienzngaenz swnjcienz vwnzva ndangdaenj Yauzcuz hawj Lungz- veij Cunh.

(Vangz Yimeij Liz Meijyungz)

●5 nyied 17 hauh, Yungzsuij Myauzcuz Swciyen Luzswngh Hez- vei daengz ndaw yienh Swyungz Yangh Denzdouz Mbanj Myauzcuz guh luzswngh caijdangz、foux- luzswngh、lanzgiuz doxdax、vwnzyi vanjvei daengj doxlienz hozdung, aeu neix daeuj lozsiz Dangj Cibbet Daih cingsaenz, hungz- yangz vwnzva minzcuz, demhaeuj minzcuz doxgiet, cauxguh lajmbanj huzndei.

(Hoz Fuyungz)