4 nyied ndawcib, Siengcouh Yen seiq aen giyez ciengx nonsei iq youq bi’gvaq cucwz haenx dawz 6000 lai dungh nonsei iq fathawj 5000 hoh nungzminz dajciengx, neix couh hawj nungzhoh ciengx nonsei beij binaengz daezgonq 15 daengz 20 ngoenz.

Bi’gvaq, Siengcouh Yen Gungh- sanghgiz cihciz boux nungzminz dauq mbanj、bouxbing duivuj、da cungh- conh bizyezswngh leihyungh gisuz, guh hong ciengx nonseiz iq, aeu neix daeuj cihciz nungzminz fazcanj ndaem gosangh ciengx nonsei、demsou baenzfouq. Bi’gvaq, daengx yienh gungh laeb miz 4 aen giyez ciengx nonsei iq, bineix seizcin gyoengqde gungh leihyungh cwngfuj bangfuz gyawj 10 fanh maenz cawx vafeiz、bwnhranz viq gosangh, hawj 500 lai moux gosangh maj ndaej ndei, caiqgya mbwn raeuj, daezgonq ciengx nonsei, 4 aen giyez neix ndaej hawj nungzminz lai ciengx buek nonsei he, 5000 lai hoh ciengx nonsei demsou 700 lai fanh maenz, gij giyez neix moix aen hix demsou song sam fanh maenz.

(Liu Bwnjvei Vangz Gaij)