Bineix dwg bi《Cunghvaz Yinzminz Gunghozgoz Minzcuz Gihyiz Swcifaz》fatbouh saedhengz ndaej 29 hopbi haenx. Vih hawj vunzlai cienzmienh roxyiuj《Cunghvaz Yinzminz Gunghozgoz Minzcuz Gihyiz Swcifaz》, demgiengz swci naengzlig, doidoengh hong minzcuz swnhleih gaihcanj caemhcaiq aeundaej yaugoj ndei, Bingzgoj Yen Minzcuzgiz giethab gij saedcaeq ginzcung dangdieg maij Fwenleux haenx, cingj gyoengq canghfwen eu Fwenleux haenx, gaengawq gij neiyungz《Minzcuz Gihyiz Swcifaz》, bienguh bonj saw senhconz《Minzcuz Gihyiz Swcifaz》(Fwenleux banj). Bonj neix faen gouj bouhfaenh: Vah baihnaj、gyoebgangj、minzcuz swci deihfueng laebguh nem swci gihgvanh gyoebbaenz、gij gienzleih swci gihgvanh、gij yinzminz fazyen nem genjcazyen minzcuz swci deihfueng、gij minzcuz gvenhaeh minzcuz swci deihfueng、gij cizcwz guekgya gihgvanh baihgwnz、bouhfaenh baih- laeng 、gij fwendoiq maenhndei saujsu minzcuz nem Bouxgun daengj, gungh comz 150 lai souj Fwenleux, baugvat le《Minzcuz Gihyiz Swcifaz》cienz- bouh neiyungz. Dangqnaj, daih’it buek senhconz soujcwz 1.5 fanh bonj gaenq fat daengz daengx yienh 12 aen yangh(cin) nem ndaw yienh gak bumwnz. Ndaw soujcwz neiyungz cingqsik hix mizyinx, ndei doeg dangqmaz, vunzlai gig maij.

(Lij Gyanghlanz)