Gaenh bi daeuj, Yungzsuij Myauzcuz Swciyen doenggvaq hai“haj daih godangz”, lai cungj fuengsik beizyangj saujsu minzcuz nungzminz moq, haenqrengz gyavaiq lajmbanj ginghci fazcanj.

It dwg hai“godangz dingh”, beizyangj nungzminz“miz cihsiz”. Daj bi’gyai daeuj, gaenq haibanh nungzyez cizyez gyauyuz beizyinbanh 28 banbaez、gohgi yeyau 21 banbaez、nungzyez hanzsou dayoz 64 banbaez, beizyin nungzminz yozyenz 5000 lai vunzbaez.

Ngeih dwg hai“dodangz riuzdoengh”, beizyangj nungzminz“miz gisuz”. Daj bi’gyai daeuj, gaenq hai haeuxnaz、makseq、batgak、samcaet、iengangq、dajciengx daengj“godangz riuzdoengh” saedyungh gisuz beizyinbanh 1300 ciengzbaez, beizyin nungzminz 3 fanh lai vunzbaez.

Sam dwg hai“godangz gihdi”, beizyangj nungzminz “miz daegsaek”. Gonqlaeng youq Bwzyinz、Vaizbauj、Anhdai、Dalang、Hozmuz daengj laebguh haeux gauhcanj、makseq gauhcanj、samcaet fouz goenghaih、makbug ndei、gocuk dihcanj gaij ndei、gaijndei binjcungj mou daengj sifan gihdi 80 lai aen, caemhcaiq dinghseiz guh gisuz beizyin, hawj nungzminz youq ndaw gihdi hag ndaej gisuz dajndaem nem dajciengx.

Seiq dwg hai“godangz ginaengz”, beizyangj nungzminz“saedyungh”. Daj bi’gyai daeuj, gungh gaihcanj lajmbanj lauzdungliz gaijhangz beizyin 83 geiz, boux camgya beizyin miz 4000 vunz, hawj 5000 lai vunz lajmbanj ndaej gaij guh hong wnq.

Haj dwg hai“godangz yenjcwngz”, beizyangj nungzminz“rox ginghyingz”. Daj bi’gyai daeuj, gaenq miz 2000 lai boux ganbu nem ginzcung lajmbanj camgya le yenjcwngz gyauyuz vangjloz gyauyuz hagsib, gungh daiqdoengh 100 lai boux camgya hagsib haenx fazcanj byaekgwn、makseq、faexcuk、faexsamoeg daengj canjyez dajndaem 10 fanh lai moux, ciengx mouseng、cwznoh nem vaiznoh daengj 1000 lai duz.

(Moz Cwngzveij Siz Fu’gyauh)