Geij ngoenz gonq, Denzyangz Yen Cwngfuj gaisau naeuz, dangqnaj Denzyangz Yen daihlig saedhengz“aen yienh vwnzva mizmingz”canloz, fazcanj gij vwnzva miz dangdieg daegsaek, baugvat vwnzva Baeuq- roxdoh、vwnzva fouxsaeceij、vwnzva Vajsi、vwnzva gwzmingz daengj, haenqrengz dajcaux Cungguek giz- dieg vwnzva lijyouz Bouxcuengh. Dangqnaj, Denzyangz Yen cingq youq ndaw yienh Denzcouh Cin henz baihbaek Dahbwzdungh gveihva guh aen cawjdaez gunghyenz hung he guh vwnzva lijyouz—“singzgeq Denzcouh”gingjgih hanghmoeg, aen gunghyenz neix yienghsiengq gaeuqgeq、daeg- saek vwnzva Bouxcuengh noengzna. Boux roengzcienz guh aen hangh- moeg neix heuhguh Gvangjsih Veidungh Cingeq Vwnzva Lijyouz Haifat Gunghswh, boux cungjginghlij aen gunghswh neix Vuz Yiswng naeuz, aen hanghmoeg neix gungh roengzngaenz daihgaiq 15 ik maenz, daihgaiq ciemq dieg 1500 moux, ndawde comzmiz gij doenghyiengh gencuz miz byauhcising, baugvat ciujden maenhndei、ranz hek ninz、ciujbah youqndwi daengj caeuq daiz baiqcaeq、dap goengcoj、Baeuqroxdoh gvangjcangz、dujswhfuj hung、Boux- cuengh vwnzsij bozvuzgvanj daengj, guj aeu 3 daengz 5 bi guhbaenz guekgya 5A gaep lijyouz gingjgih, saedyienh bi ciephek 600 daengz 800 fanh vunz.

(Yangz Ciyungz Vangz Yenmeiz)