●Daj bineix daeuj, Nazboh Yen nyinhcaen doihaeuj daihsam buek lajmbanj ranzyiemj gaijguh gunghcwngz. Daengz 3 nyied daej, gaenq guhsat hanghmoeg sinhbau nem ranzyiemj gaijguh gveihva sezgi、haigoeng daengj, gaenq miz 2820 ranz nungzhoh haigoeng gensez, miz 820 ranz gaenq gaijguh ranzyiemj sat lo.

(Vangz Bizvaz Liengz Yenjvaz)

●Geij ngoenz gonq, youq ndaw hozdung bingzsenj swcigih gaep“Cungguek aen mbanjranz vwnzva yisuz ndawbiengz”youz Swcigih Vwnzvadingh banh haenx, Nanzningz Si Vujmingz Yen、Binhyangz Yen nem Yunghningz Gih faenbied baengh hawfwen“sam nyied sam”、cietbauqlungz nem“bet yaem Bouxcuengh”ndaej bingzguh“Gvangjsih aen mbanjranz vwnzva yisuz ndawbiengz”.

(Luz Genyij)

●Gaenh bi daeuj, Lungzlinz Gak Cuz Swciyen roengzrengz dawz va’gimngaenz dangguh daegsaek canjyez daeuj dajcaux, hawj va- gimngaenz canjyez cugmbaek baenz ndaw yienh hangh canjyez hung hawj ginzcung saujsu minzcuz demsou he. Dangqnaj, aen yienh neix gaenq dajndaem va’gimngaenz 2.35 fanh moux, moux canj va 100 goenggaen, guj cungjcanjciz 2000 lai fanh maenz.

(Loz Mingzgauj)

●Daj bineix daeuj, Ningz- mingz Yen haenqrengz dawz gij youhsi swhyenz diegfaex lai haenx bienqbaenz ginghci youhsi, daihlig fazcanj youzcazbya, dajndaem 5 fanh moux, caemhcaiq youq 3 bi dauqndaw ndaem daengz 10 fanh moux, haenqrengz laebhwnj giz hawj lajmbanj ginghci demhwnj haenx, doenggvaq daegsaek canjyez gya’gvangq diuz roen hawj nungz- minz demsou.

(Couh Yizgangh Yangz Yenginz)