□ 关仕京 搜集翻译

（接上期）

Sai: Cingqcaen daiq mizsim，

Dik rin hwnq giuzbanj；

Raeuz song boux caemh ranz，

Caez gangjgangj riuriu.

男：真有心相交， 雕石建板桥；

咱两人共家， 同说说笑笑。

Mbwk: Saedcaih daiq mizsim，

Dik rin guh baiz geiq；

Mizsim gyau mwngz beix，

Cienfanh seiq mbouj lumz.

女：实在有真意， 刻石做碑记；

有心交阿哥， 万世不忘去。

Sai: Dingq gij vah nuengx ga，

Hauq guhmaz mizsim；

Gyau baenzseiq baengzcingz，

Doxin caiq doxgyaez.

男：听妹语殷殷， 实在很有心；

交一生朋友， 相爱又相亲。

Mbwk: Vaiz laux ma rag ci，

Nanzvi duzde byaij；

Aeu faiq ma ciep ndaij，

Lau vaih mwngz mingzdaeuz.

女：老牛来拉犁， 难为它吃力；

要棉接麻线， 怕毁你名气。

Sai: Gacak dem roeggae，

Rieng raez caemh bingzbaj；

Gou dem mwngz nuengx ga，

Yienghnaj caemh doxdoengz.

男：喜鹊野鸡样， 尾巴都是长；

我与阿妹你， 相貌也相当。

Mbwk: Ciuq faenh gou ndawsim，

Gyaq giuzrin cungj ndaej；

Lau mwngz beix simsaeh，

Gyaq giuzfaex hix nanz.

男：依照我心意， 石桥能建起；

担忧哥无心， 木桥也难立。

Sai: Cingj faenhnuengx gaej heiq，

Guh vunzseiq gaej vueng；

Song raeuz ndaej baenz sueng，

Caez doxbuenx baedauq.

男：请妹别忧伤， 为人莫着慌；

咱俩能成对， 总相伴来往。

Mbwk: Dingq gij vah beix gangj，

Vamanh ndaej cw dien；

Dingq gij vah doengznienz，

Ngeix sim liengzyauyau.

女：听哥这语言， 椒花可遮天；

听同伴这话， 想来心凉遍。

Sai: Ciuq faenhgou damjliengh，

Ndaej muz cuenq guh cim；

Ciuq faenhnuengx aensim，

Muz rin cungj gannanz.

男：按照我胆量， 能磨锥成针；

按照妹心思， 磨石也难成。

Mbwk: Lwg bouxsai simma，

Duk cug haz mbouj ndaet；

Bak gawq sam coenz saed，

Goujcibcaet coenz haw.

女：男人狗心糟， 篾捆草不牢；

百句三句真， 九十七句孬。

Sai: Gou gangj coenz caek coenz，

Byaij roen yamq caek yamq；

Lai yamq cungj mbouj bae，

Lai ndei cungj mbouj ngah.

男：我讲话算数， 行走步算步；

多一步不迈， 再好女不顾。

Mbwk: Gofaex baengh gogaeu，

Roegraeu baengh haeuxgyaj；

Beix miz yah baengh yah，

Dahnuengx baengh bouxlawz？

女：树与藤相牵， 斑鸠恋秧田；

哥有妻相爱， 妹和谁相连？

Sai: Vasiglouz hoengzsingj，

Youq gwnzdingj bak laeuz；

Ndaej yawj mbouj ndaej aeu，

Caemh dangq ngaeuz ndaw gingq.

男：石榴花笑盈， 在楼前树顶；

可看不可摘， 好比镜中影。

Mbwk: Faenhnuengx dangq vanap，

Mbaw yap mak caiq naeuh；

Daeuj ndenq hawj beix gaeuj，

Mbouj gyaez aeu cix vengh.

女：妹像野牡丹， 叶有毛果烂；

拿来献给哥， 丢掉懒得看。

Sai: Ngoenz doek cib raq fwn，

Rongmungz cungj mbouj mbaeq；

Donq gwn sam donq daej，

Ngoenz maz ndaej aeu mwngz？

男：日下十阵雨， 芋叶不湿透；

吃餐哭三餐， 娶你啥时候？

Mbwk: Yawj gwnzmbwn cix sang，

Yawj haij gvangq hix laeg；

Ndaej bienq duz byacaek，

Yaek youz bae doxcimh.

女：望天高难登， 观海广又深；

能变成鱼儿， 就游去访问。

(caengz sat)