Daj seizcin yamq haeuj seizhah duenh neix, dwg aen geiqciet fwn lai ndeu, hoengheiq mbaeqdoh daih, mizleih nengzbingh sanjmaj caeuq cienzboq, bouxvunz rox okyienh naetnaiq、rub myaiz、rueg、mbouj siengj gwn doxgaiq、ndaeng saek、diemheiq hoj roxnaeuz baenz haexgaz、 gyaeuj ngunh、 mbiengj gyaeuj in、uk saek lwed daengj binghyiengh. Hoengheiq mbaeq rox hawj sailwed ndang vunz atlig dem hung, diemheiq mbouj swnh rox hawj mbangj bingh yaeuhfat roxnaeuz gyanaek. Hoengheiq mbaeq lai seiz, mbangj nengzbingh nem youq gwnz naengnoh bouxvunz couh rox daihliengh sanjmaj, naengnoh couh yungzheih ndaej bingh. Youq cungj diuzgen neix lajde, gyazcangsensu caeuq sinsangsensu ndaw ndang vunz nungzdoh couh bienq saw, sibauh sengleix goengnaengz gemjnyieg, vunz couh gamjdaengz mboujmiz cing- saenz. Neix gojnwngz caeuq mbwnbumz doek fwn ndit ciuq noix mizgven. Ndigah, ngoenz doek fwn wng gyagiengz lienhndang, demgya yingzyangj, hableix anbaiz ndei hong caeuq gwndaenj.