Seizcin bouxlaux yungzheih naetnaiq, mbangj bouxlaux couh ninzgvaiz lo. Cunghyih nyinhnaeuz, ninz lai rox sieng heiq. Danghnaeuz ninz daiq nanz, fouz bingh hix rox ninz ok bingh daeuj. Ndigah, seizcin bouxlaux geih ninz daiq nanz.

Neix dwg aenvih, ninz nanz rox hawj sup haeuj caeuq baiz ok naengzlig doekdaemq, yingzyangj deng gitgaz, heiqlwed yinhsoengq mbouj swnh, megnyinz gyaengjndongj, aenndang hawnyieg. Ndigah, bouxlaux seizcin aeu ninz caeux hwnq romh, gawq aeu baujcwng haeujninz, youh aeu fuengz ninz daiq gvaiz, moix ngoenz ninz 8 diemj cung couh gaeuq lo.