Haeuxndaem. Haeuxndaem ndaej bouj lwed, daegbied hab mehsenglwg gwn. Dawz haeuxndaem cawj baenz cuk cug le, dwk di dangznae caeuq makcauj nding daeuj diuz feih gwn, unq rang youh diemz, ndaej bouj heiq ciengx lwed, hix hab bouxlaux gwn.

Linghvaih, boux gamjdaengz heiq dinj rengz naiq haenx, ngoenz gwn vanj cuk haeuxndaem ndeu couh ndaej bouj heiq ciengx lwed, boux baenz daep ndongj caeuq boux baenz megcingx saihoz hoet iet haenx, cawj cuk haeuxndaem gwn seiz aeu cawj cugdaeuq cawj yungz, mienxndaej byukhaeux co lai veg sieng saihoz.

Raetmoegngaex ndaem. Ciengz gwn raetmoegngaex ndaem ndaej gyangq sam sang, cangq ndang dingj aizcwng cing conghsaej. Raetmoegngaex ndaem hamz diet haemq lai, boux baenz noix diet lwedhaw ceiq hab gwn raetmoegngaex ndaem. Gwn raetmoegngaex ndaem ndaej yawhfuengz doenghmeg giet ndongj, doiq yawhfuengz sim sailwed uk miz itdingh ndeicawq.

Gaeqnohndaem. Gaeqnohndaem miz bouj. Linghvaih, de doiq mehsenglwg miz ik, daegbied naengz yw mehmbwk dawzsaeg ok lwed lai. Caiq gangj, de doiq bouxlaux ndok soeng ndok byoiq、fuengz lwgnyez baenz binghndokunq noix diet baenz lwedhaw cungj miz itdingh ndeicawq.