Seizcin vunzraeuz cungj gamj- daengz bak sauj linx hawq, cungj siengj ra di yinhouzben、conhbei daengj yw daeuj gwn nyinh hoz. Canghyw daezsingj naeuz, mbouj ndaej lanhyungh yw’nyinhhoz.

Huhgizgoh conhgyah gaisau naeuz, yinhouzben dwg gij yw gwnz linzcangz ciengz yungh haenx, mbangj yinhouzben vuedsingq daih、rengz gaj nengz ak, ndaej hanhhaed nengz caeuq gaj nengz. Danhseih, gig nemmuek conghbak haemq youqgaenj. Boux miz denj gominj roxnaeuz mehdaiqndang、mehcijlwg cungj mbouj hab hamz ndaw bak gwn. Boux miz denj gominj danghnaeuz gwn gij yinhouzben neix, rox fatseng gominjsing fanjying, okyienh diemheiq gaep、fajnaj haumiek、naengbak heuaeuj、naengnoh hwnj diemjhoengz daengj yienghsiengq, mbangj lij okyienh daengx ndang dumz gyoet daengj cingzgvang dem. Mehcijlwg hamz gwn yinhouzben, rox yingjyangj lwgnding fazyuz.

Neimungzguj Yihyozyen Cangh Sezfungh gyausou gienq naeuz, conhbei ndaej siu ndat nyinh bwt、vaq myaiz dingz ae. Danhseih cijdan yungh daeuj yw ndat ae, bingq mbouj dwg naeuz sojmiz ae cungj gwn ndaej, itdingh ginggvaq canghyw duenq gvaq cijndaej gwn yungh.