Youq ndaw cunghyih yawj daeuj, seizcin cingq dwg seiz ceiq ndei ciengx daep, ndaej lai gwn di coeng、suenq、lwgmanh ndeu, yienghneix mboujdanh ndaej swnh ciengx heiq daep, lij ndaej fuengz baenzaiz dem.

Coeng (baugvat yiengzcieng)、suenq、lwgmanh heu yienznaeuz haemq manh, danhseih de hamz liuzvavuz haemq lai, ndaej gig conghsaej, hawj vunz lai gwn ndaej doxgaiq, caemh ndaej bangcoh ceihyw baenz foeg. Mwh cawx seiz caenhliengh senj cawx gij coeng、suenq naeng aeuj, yienghneix yingzyangj gyaciz engq sang, gwn bouj yaugoj haemq ndei.

Seizcin haujlai doenghgo ngamq hainduj did nyod, lumj nyod gocin、raet daengj, ndawde nyod gocin rang hamz veizlieng yenzsu haemq sang; raet cix hamz dangz lai, song cungj huq neix cungj ndaej daezsang menjyizliz, hawj aenndang dem rengz, hab boux baenz foeg gwn.

Doengzseiz lij ndaej lai dem gwn veizswnghsu A、 veizswnghsu C、veizswnghsu E dem, hix ndaej lai gwn di lauxbaeg nding、makyungz caeuq rangzngox、byaek- bohcai、lauxbaeg、maenzdoengz- lingz、byaekgathau daengj dem.