Daegnuengx gou heuh Siujminz, bineix muenx haj bi lo. Daegnuengx gou bingzseiz gip ndaej doxgaiq doek, coengzlaiz mbouj boiz hawj bouxwnq, hoeng seizneix de bienq lo.

Miz ngoenz ndeu gyanghaet, daxmeh soengq daegnuengx bae youwzyenz hwnjhag, youq gwnz loh, daegnuengx angq dwk ciengqgo hwnjdaeuj, sawqmwh, daegnuengx yawjraen gwnz loh miz mbaw ngaenz ndeu, couh gungj hwet gip hwnjdaeuj yaengx hawj daxmeh yawj, naeuz: “Daxmeh, maenz ngaenz ndeu.”

Daxmeh yawjraen le cam:“Siujminz, gip ndaej ngaenz, wnggai baenzlawz guh?” Daegnuengx siengj le siengj, naeuz:“Gyau hawj lauxsae, hawj lauxsae boiz hawj boux ngaenz doek haenx.”

Daegnuengx daeujdaengz youwzyenz, dawz ngaenz gyau hawj lauxsae, naeuz:“Lauxsae, neix dwg gou youq gwnz loh gip ndaej.”

Gvaq yaep ndeu, hwnjdangz lo, lauxsae byaujyangz daegnuengx, lij naeuzhawj siujbaengzyoux aeu yiengq daegnuengx hagsib, gangj sat, lauxsae hawj duj vahoengz iq he hawj daegnuengx. Daegnuengx ndaej dujva hoengz neix angq raixcaix.

Gou rox aen siusik neix, ndaw sim angqhaenh naeuz:“Daegnuengx ha daegnuengx, mwngz caen bienq lo, bienq ndaej rox dauhleix lo.” （指导老师：黎才新）