Mwh seizcin riuzhengz dwgliengz seiz, cawjranz wng caenhliengh siuj daiq nyeznomj bae guengh vunzlai cet. Naengh vunz ndaw ranz gaenq miz vunz baenz dwgliengz, aeu caeux guh ndei hong fuengzhoh nyeznomj, ndaej heuz di banjlanzgwnh he hawj nyez- nomj gwn, hix ndaej hawj de gwn di cunghcwngzyoz ywnaed ndeu, mienx- ndaej saihoz nyeznomj deng ganjyenj baenzbingh.

Linghvaih, cawjranz goj ndaej aeu di raemxgyu cit ndeu bang nyeznomj riengx bak roxnaeuz cat heuj, baujciz conghbak veiswngh. Gyanghaet bwnq di raemxgyu cit ndeu hawj nyeznomj gwn, yienghneix ndaej swiq seuq dungxsaej nyeznomj, caemh ndaej hawj de siu ndat gej doeg. Aeu raemxhing cimq din nyeznomj goj ndaej, hix ndaej swnh raemxhing lij ndat seiz aeu sujbaq yub raemxhing cat bakaek caeuq raeblaeng nyeznomj. Baenzneix guh ndaej demgiengz sim bwt gioengnaengz, daezsang rengz dingj bingh nyeznomj.