□ 关仕京 搜集翻译

(接上期)

Seiq、Doxdaeuq

相逗

Sai: Ngoenzneix gou hong soeng，

Swnh roen okdaeuj youz；

Raen vavengj hai gyaeu，

Siengj mbaet aeu soed daeh.

男：今天我空闲， 顺路出来游；

见金樱花美， 想摘放进兜。

Mbwk:Cieng nyied haeuj ndwen ngeih，

Valeiz cij ngamq hai；

Duj beij duj ndei lai,

Gvai mbouj aeu gag ienq.

女：正月交二月， 梨花开遍野；

朵朵争绚丽， 哥不摘自绝。

Sai: Baez hwnj ndoi daeuj naengh，

Raen vahenj vahoengz；

Lwenq seiqhamq din ndoeng，

Lienh hwnjroengz hozngah.

男：登山坐峰巅， 红黄花皆见；

辉映四方野， 我徘徊眷恋。

Mbwk: Vadauz cij ngamq hai，

Vaileiz caiq cuengqamq；

Va baenz langx baenz langx，

Rox beix ngamj duj lawz？

女：桃花刚绽开， 梨花又“登台”；

花儿一簇簇， 哪朵哥最爱？

Sai: Vamauxdan hoengzouj，

Vasiglouz hoengzsien；

Yaek aeu guh vayienz，

Yaep dem lau vunz ndaq.

男：牡丹花红艳， 石榴花红鲜；

欲移花园中， 怕遭人谗言。

Mbwk: Vavengj dem va’gva，

Duj lawz va haemq wenj；

Youz mwngz beix gag siengq，

Yaek siengj aeu duj rawz.

女：樱花瓜花艳， 哪朵最耀眼；

由哥去欣赏， 欲摘任君选。

Sai: Va youq ndaw diencingj，

Gaeuj raen ingj de ndei；

Seiqhamq humx oensei，

Yaek haeujbae mbouj ndaej.

男：花在天井里， 望见样靓丽；

四周荆棘围， 难以进得去。

Mbwk:Beijbaenz gomakcauj，

Hanz ngauz cungj mbouj loenq，

Siengj aeu cix raemj doenj，

Mbouj luenh loenq hawj cimz.

女：好比那枣树， 摇它不掉果；

想吃把树砍， 枣子不乱落。

Sai: Gomak youq ndaw suen，

Caengz ciengz caiq caengz cah；

Bouxboux raen cungj ngah，

Fwngz vaz hix mbouj daengz.

男：果树在园里， 围墙又荆棘；

人人都眼馋， 摘不到白急。

Mbwk: Makleiz youq gwnz nga，

Vunz gvaq loh hanz ngah；

Bouxcawj mbouj han vah，

Fouzfap aeu ma gwn.

女：梨果挂枝上， 过路人虽馋；

主人不答应， 也无法品尝。

Sai: Nuengx lumj duj vavengj，

Hai mbouj henj mbouj hoengz；

Youq cungqgyang caz oen，

Gou gvaq raen siengj mbaet.

男：妹像金樱花， 不黄也不红；

荆丛里开放， 我路过相中。

Mbwk: Vavengj caemh dwg va，

Hai gwnz bya bazbuh；

Danghnaeuz beix miz yungh，

Goj mbaet duj ma ranz.

女：金樱也是花， 从容开山上；

要是哥有用， 摘朵回家放。

Sai: Nuengx lumj va mauxdan，

Ndaem henz ranz baijgingj；

Gou gvaq henz raen ingj，

Yaek bae cimh hix lau.

男：妹如红牡丹， 种屋边观赏；

路过见倩影， 想摘怕荆挡。

Mbwk: Beix gyaez vamauxdan，

Goj haeuj ranz daeuj gaeuj；

Sim cibfaen siengj aeu，

Daiq goenq daeuq ma ndaem.

女：若哥爱牡丹， 可到家细看；

心十分想要， 尽可连根搬。

Sai: Gwnz ndoi daeuj gaeuj va，

Mbaj gvax hwnj gvax roengz；

Va dujduj cungj yungz，

Hawj vunz raen hozngah！

男：上山赏花卉， 蝶上下纷飞；

花儿朵朵艳， 人见自陶醉！

Mbwk: Caez yamq din haeujdaeuj，

Raen sigloux hai va；

Gag beix gyaez loma，

Nuengx baema caemh niemh！

女：同步进花园， 见石榴花艳；

不单哥喜爱， 妹也很迷恋！

Sai: Daeuj gizneix doxraen，

Dangq bit caemz raemxdingh；

Gyaez gangjgoj lienhcingz，

Dangq vunzbingh ngah dangz.

男：到此相交谈， 像鸭戏水塘；

爱唱恋情歌， 如病人馋糖。

Mbwk: Faenh nuengx cix roeglaej，

Nanz doxcaeh haeuj rungz；

Roeggumj ma beij fungh，

Ndaej lumj mwngz liux ha.

女：妹像麻雀鸟， 难相随进巢；

鹌鹑怎比凤， 妹不如哥好。

(caengz sat)