Conhgyah genyi naeuz, mwh baenz dwgliengz aeu gwn raemx lai doengzseiz, lij aeu bouj gaeuq dengaijciz dem, cijndaej hawj dwgliengz loq ndei di. Mwh dwgliengz seiz, ndaej ciuq aeu 20 gwz begdangz、3.5 gwz gyu、2.5 gwz siujsuhdaj、1.5 gwz luzva’gyaz、1000 hauzswngh raemxraeuj aen bijli neix gag boiqguh dengaijciz daeuj gwn. Danghnaeuz lau mazfanz lai, ndaej cigciep gwn bingz cang dengaijciz daeuj dingjlawh, yaugoj engq ndei. Conhgyah lij daegbied daezsingj naeuz, boux baenz dwgliengz aeu gwn raemx gaeuq, danhseih gaej baez dog gwn daiq lai. Moix baez gwn boi ndeu, daih’iek 300 hauzswngh couh ndaej, doeklaeng gek duenh seizgan ndeu caiq gwn baez moq. Baenz- neix, gawq ndaej baujciz raemx ndaw ndang doxdaengh, doiq aenmak fudanh atlig hix siuj di.

Liuzhingzbing’yoz conhgyah naeuz, dwgliengz dwg youz myaiz sinz daeuj cienzboq, doenggvaq conghndaeng haeujbae yinxhwnj. Danghnaeuz baujciz conghbak caeuq nemmuek conghndaeng dumzmbaeq, couh ndaej laengz- dangj nengzbingh dwgliengz ciemq haeuj.

Linghvaih, geiq ndaej daiq goujcau, lai yungh raemxgyu riengx bak, vunz couh noix baenz dwgliengz lo.