Gou dwg mbawfaex gig bingz- ciengz ndeu, mbouj lumj doengh dujva homrang, hix mbouj lumj gij mak ndeigwn, sengmingh gou gig dinj, hoeng gou moix ngoenz gvaq ndaej youh ndei youh miz eiqsei.

Seizcin, gou damq ok aen gyaeuj daeuj yawj aen seiqgyaiq gyaeundei neix. Rumzcin menhmenh lumh gou, daengngoenz daxgoeng yungh nditrongh raeujrub baujhu gou, hawj gou maj ndaej vaiq.

Seizhah, dou daenj hwnj geu buh heuloeg, vih gyoengqvunz okrengz. Nungzminz bohlungz youq ndaw naz guh hong baeg le, daeujdaengz baihlaj dou yietliengz, gyoengq lwgnyez doegsaw naiq le, daeujdaengz laj gofaex yietnaiq; banhaemh, daengx ranz vunz youq baihlaj dou gangjgoj、dwkgeiz, dou ndoet aeu wyangjvadan, cauh ok gij hoengheiq singjsien hawj gyoengq- vunz.

Seizcou, gou duet roengz geu buh heuloeg, daenj hwnj geu buh saekhoengz, caeuq rumzcou itheij dawz gwnzmbwn nyumx ndaej engq rongh engq lamz. Gou ciq rumzcou dahcej menhmenh diuqfoux daeuj daengz henz daemz. Yawjraen duzmoed lwg ndeu doek roengz ndaw daemz bae. Rumzcou dahcej daiq gou bae daengz ndaw daemz, hawj gou dawz duzmoed doek daemz soengq hwnj gwnz haenz bae.

Seizdoeng, dienheiq ciemh- ciemh nit lo, gou couh youq gwnz dieg baujhu daihdieg, hawj diegdeih raeujrub.

Neix couh dwg ciuhvunz gou, mbawfaex bingzciengz ndeu.

(指导老师：关桂留)