Seizcin mok lai rumz lai, ndigah, mwh yindung seiz gaej hawj naengnoh loh okdaeuj lai, mienxndaej deng rumzmbaeq rumznit gig le yaeuhfat baenz hoh in; gaej bae giz rumz haenq bongj faenx haenx lienhndang, aeu hag rox ndaeng sup bak diemheiq; caengz yindung gaxgonq aeu sien guh ndei cunjbei, lumjbaenz ndoiq laeng、dik din、baenq hwet, saenqsaenq ndang- noh、hozdung giz hoh le caiq guh lienhndang. Gyanghaet bae lienhndang gaej caeux lai, danghnaeuz bae lienhndang caeux lai rox deng rumznit gig, boux mbaeu cix baenz siengfung dwgliengz, naek cix baenz bakmbeuj. Lienhndang le gibseiz daenj buhvaq, yawhfuengz baenz dwgliengz. Lienh- ndang gvaq le, gaej naengh roxnaeuz ninz gwnz diegnywj, mboujnex yungzheih baenz fungcaepsingq hwet in roxnaeuz hoh in.