Habliengh yindung ndaej hawj vunz lai gyaeu ndaej nanz, simcingz vaiqvued. Danhseih conhgyah daez- singj naeuz, bouxlaux youq seizcin lienhndang seiz aeu miz “seiq aen haeujsim”.

It dwg haeujsim mwh yindung seiz gaej yungh rengz haenq lai, fukdoh hix gaej daiq hung. Seizdoeng vunzraeuz haemq noix hozdung, ndigah, ngamq haeuj seizcin lienhndang seiz, wngdang aeu hoizfuk guhcawj, hozdung aen- ndang caeuq guh di hoh hozdung ndeu couh ndaej.

Ngeih dwg haeujsim gaej hozdung daiq caeux. Ngamq haeuj seizcin mbwn raeuj lij nit, haethaemh givwnh lij gig daemq, huqcab ndaw hoengheiq haemq lai, mbouj hab lienhndang. Caj ok daengngoenz, givwnh hoizswng le, mwh wyangjvadan ndaw hoengheiq nungzdoh gemjsiuj seiz caiq bae lienhndang.

Sam dwg haeujsim yaek lienh- ndang gaxgonq gwn di doxgaiq ndeu. Bouxlaux aenndang gihnwngz haemq ca, yaek lienhndang gaxgonq hab- dangq gwn di cijvaiz ndat ndeu, gawq ndaej bouj raemx hawj aenndang, demgya heiqndat, gyavaiq lwed lae baedauq, youh ndaej hawj aenndang ndaej hezdiuz ndei. Danhseih baez dog gaej gwn doxgaiq daiq lai, gwn le aeu yietnaiq yaep ndeu caiq bae lienhndang.

Seiq dwg haeujsim bauj raeuj. Seizcin mbwn lij nit, ndang vunz baez yindung le fat ndat, danghnaeuz mbouj guh ndei bauj raeuj, gig yungzheih dwgliengz. Bouxlaux ndang ca engq aeu haeujsim di neix.