1、Makbohloz: Mbangj vunz gwn makbohloz le okyienh rub myaiz、rueg ok、dungx in aek in、naengbak mazmwnh、naengnoh hwnjnwnj daengj yienghsiengq, neix dwg aenvih ndaw makbohloz hamz miz swnghvuzganh caeuq danbwz- meiz bohloz. Vih fuengz hwnjnwnj, makbohloz dat naeng cab ndei le aeu dwk roengz raemxgyu cit bae cimq 10 faen cung baedauq caiq gwn.

2、Gyoijhom: Vih hawj naeng gyoij engq henj engq ndei ngonz, canghbuenq itbuen cungj aeu wyangjvaliuz daeuj coi cug. Wyangjvaliuz doiq ndang vunz miz haih. Gwn gyoijhom ndaej nyinh saej、siu ndat, danhseih gyoijhom dwg moix bi seizhah cij henjcug.

3、Makdumh:Cunghyih nyinh- naeuz, makdumh ndaej siu huj、gaij hozhawq、siu ndat. Seizcin vunz- raeuz daep huj haemq hoengh, gwn di makdumh ndeu ndaej hanhhaed hwnjhuj. Makdumh ceiq ndei dwg gwn haeux sat caiq gwn, aenvih ndaw makdumh hamz miz daih- liengh gojgyauh caeuq cenhveizsu, ndaej coi dungxsaej noddoengh、bangcoh siuvaq、gaijndei haexgaz、yawhfuengz baezhangx、fuengz diuzsaej baenzaiz. Makdumh hamz veizswnghsu C haemq lai. Danh- seih, seiz makdumh henjcug dwg youq moix bi ngux nyied ndawcib.

4、Makit: Moix bi 8、9 nyiedfaenh makit cij henjcug, mak de feih diemz loq soemj, ndaej bouj heiq lwed、giengz nyinz ndok、leih ok nyouh. De hamz dangz lai, boux baenz binghnyouhdangz mbouj ndaej gwn lai.

5、Oij: Oij feih diemz singq caep, gwn de ndaej siu hwngq seng raemx. Danhseih oij dwg youq moix bi 11 nyiedfaenh cij baenz sou, doi cuengq nanz le rox mwtnaeuh, gwn de rox haih ndangdaej gengangh.