□ 关仕京 搜集翻译

(接上期)

Sai: Duenh nanz mbouj raennaj，

Dangq seiq haj cib ndwen；

Beix mbouj ndaej raen nuengx，

Dangq gvej mbiengj saejhoz.

男：久久不见面， 似隔几十月

哥见不到妹， 如失去心血。

Mbwk: Ngoenzneix ndaej doxroeb，

Angq dangq goep ndaej a；

Ngoenzneix ndaej raennaj，

Dangq gaujvaq raen ngaen.

女：今天能相遇， 乐如鸦得鱼；

今日能见面， 似乞丐拾遗。

Sai: Ngoenz saedceij neix ndei，

Lumj byaleix diuq dan；

Raeuz ndaej daeuj doxnyangz，

Gangj diemzvan baenz ndwq.

男：今天好时光， 如鲤鱼跳滩；

咱们能相聚， 心里甜似糖。

Mbwk: Ngoenzneix daeuj doxroeb，

Dangq duzroeg cauh ranz；

Song raeuz caez gangj van，

Diemz baenz dangz guj duh.

女：今天逢哥到， 乐像鸟建巢；

咱共叙肺腑， 香甜似糖糕。

Sai: Duenh nanz mbouj raen gim，

Ngeix aek in fouzbeij；

Muengh nuengx daeuj cimh beix，

Youq dangq ceij nyig rumz.

男：久不见妹伦， 相思好心疼；

盼妹来访哥， 等如纸迎风。

Mbwk: Duenh nanz mbouj ok roen，

Mbawcoeng bienq mbawoij；

Nanz mbouj raen mwngz beix，

Doq bienq oiq haujlai.

男：久不上山野， 葱叶变蔗叶

久不见哥你， 更年轻俊杰。

Sai: Nuengx daj gyaeuj daengz din，

Beix da cim cix angq；

Aeu baenzsau ma gangj，

Gaiq cienz mbanj cienz biengz.

男： 妹头靓到脚， 哥见乐开花；

以美貌来说， 盖全村天下。

Mbwk: Ndwnj haeux hix mbouj roengz，

Siengj mwngz doengz gaenj-

yiuq；

Cienzngaenz yungh rox liux，

Caeuq gangjriu nanz lumz.

女：对佳肴无心， 想老同要紧；

金钱会用完， 说笑却难尽。

Sai: Ngeix gij vah gaxgonq，

Youq mbouj onj daeuj cwnz；

Dajswh gyau mwngz lwnz，

Hwnz ninz da mbouj laep.

男：想过去话语， 不安来访你；

自结交妹伦， 夜睡眼难闭。

Mbwk: Ngeix vah gonq raeuz ga，

Hwnz ninz da mbouj laep；

Youq ndaw da yaebyaeb，

Ngeix ndaw daep sisi.

女：忆以前笑语， 夜晚眼不闭；

还历历在目， 心中永铭记。

Sai: Ndaej caeuq nuengx raennaj，

Hauj guhmaz sim’aeng；

Song raeuz ndaej doxgaen，

Dangq fwngz gaem ngaenz fanh.

男：能见妹如今， 实在很欢心；

咱俩能相随， 胜手拿万金。

Mbwk: Song raeuz ndaej raennaj，

Dangq gaujvaq raen ngaenz；

Deihdeih ndaej doxraen，

Guhcaemz cix mbouj mbwq.

女：我俩能会面， 像乞丐得钱；

频频相往来， 玩耍总会厌。

Sai: Nuengx miz vah mbouj naeuz，

Hawj faenh gou caenh muengh；

Yawjraen nuengx baenzyiengh，

Gou yied siengj yied gyaez.

男：妹话不说开， 让我总挂怀；

妹容颜靓丽， 我越想越爱。

Mbwk: Gwnzmbwn dauq miz fwj，

Fwj mbouj dwg fwjfwn；

Lajmbwn cienfanh vunz，

Cungj mbouj lumj beix gou.

女：天上有云彩， 不是雨云来；

世间人千万， 不如我哥帅。

Sai: Yawj hwnj mbwn cix sang，

Yawj gvaq vang ndaemmok；

Gyaez mwngz boux vunz dog，

Byaij gokgok mbouj nyangz.

男：仰望天辽远， 横看黑一片；

只爱你一人， 处处找不见。

Mbwk: Yienzbonj siengj gietdoiq，

Baengh fukheiq ngoenz rawz？

Bae mbanj dem bae haw，

Gvaq lawz mbouj faenliz.

女：本想结连理， 凭哪天福气？

串村或赶街， 到哪都不离。

Sai: Ndaej yienyieng boiqngoux，

Youq seiqvunz vuenheij；

Song raeuz ndaej raenndei，

Baengh diendeih soengq daeuj！

男：成鸳鸯佳偶， 一生无忧愁；

咱俩能幸福， 凭天地保佑！

(caengz sat)