Ngoenz singhgiz sam gyanghaet, yozyau raeuz daengxcungq doengzhag cungj bae denyingjyen yawj denyingj 《Gwnz Daihangzsanh》.

Raeuz daeujdaengz den- yingjyen, denyingj sikhaek hainduj lo, raeuz nyinhcaen yawj. Cuh Dwz cijveih Baz- luginh youq Niengzswjgvanh boemz dwk, Yizbwnj ginhdui daeujdaengz Niengzswjgvanh seiz, Bazluginh baez yoengx hwnjbae, Yizbwnj ginhdui raen yienghneix cungj ndonj deuz liux, deuz ma cungjbu. Lij miz baez ndeu, Bazluginh gung haeuj ndaw Yizbwnj ginhdui, dawz Yizbwnj feihgih cungj hoenx vaih liux, hawj Yizbwnj ginhdui doeknaiq dangqmaz. Yienghneix Yizbwnj ginhdui hozndat raixcaix, dajsuenq youq Bwzbingz hoenx raeuz dai liux bae. Mboujgvaq hix deng Cuh Dwz dungzci yawj byoengq lo, gyoengqde caeux youq Bwz- bingz souj dwk，caj Yizbwnj ginhdui daeuj. Dahraix Yizbwnj ginhdui daeuj lo, doeklaeng, Yizbwnj youh deng hoenx baih lo, Bazluginh gungh hoenx le 1095 ngoenz, cij hoenx baih 13 fanh bing Yizbwnj，hoeng, Cungguek raeuz hix dai le 10 fanh lai vunz, hoeng ndaej sou it fanh lai gienh vujgi, Cuh Dwz naeuz：“Mauz Cwzdungh naeuz didaucan ndei, hoeng gou nyinhnaeuz, cij aeu hoenx ndaej hingz cungj dwg cansuz ndei.”

Yawj denyingj sat le, gou siengj：Ngoenzneix raeuz ndaej naengh youq aen gyausiz neix yozsiz gig mbouj yungzheih, cungj dwg haujlai lezsw aeu lwed vuenh daeuj ha.

Gou roengz gietsim itdingh ndeindei yozsiz, bauqdap guek- coj！（指导老师：蒙绍山）