Conhgyah vixok, seizcin ciengz gwn seiq cungj gijgwn lajneix ndaej yawhfuengz naengnoh hwnjnwnj.

Dangzrwi: Conhgyah naeuz, ngoenznaengz gwn beuzgeng dangz- rwi ndeu couh ndaej yawhfuengz baenz siengfung、 ae’ngab、 humz- haenz、baenzae、dasaep daengj bingh. Dangzrwi ndaej yawhfuengz hwnj- nwnj cujyau yenzyinh miz song aen: It dwg ndaw dangzrwi hamz miz di doegrwi ndeu. Doegrwi dwg ndaw ndang duzrwi miz cungj raemxdoeg he, youq linzcangz baihgwnz dawz daeuj yw cihgi’gvanjyenz ae’gab. Ngeih dwg ndaw dangzrwi hamz miz vafaenj naed, ciengz gwn de naengz dingj ndaej vafaenj hwnjnwnj.

Makdaihcauj: Danhfanz gij vunz miz naengnoh hwnjnwnj gvaq haenx, ndaej ciengzseiz gwn mak- daihcauj. Fuengfap dwg: (1) Aeu 10 aen makcauj nding baek raemx gwn, ngoenz 3 baez. (2) Gwn ndip, moix baez 10 gwz, ngoenz 3 baez. (3) Aeu 10 aen makcauj nding, 100 gwz megmienh caez baek raemx gwn, ngoenz gwn 2 daengz 3 baez. Sam aen dan neix cungj gwn daengz giz naengnoh hwnjnwnj siu bae cij dingz. Mwh baek raemx makdaihcauj seiz ceiq ndei mbek makdaihcauj ok, baek raemx seiz gaej dwk dangz.

Raetgimcim: Ciengzseiz gwn raetgimcim ndaej baiz huqdoeg huqfeiq ndaw ndang okdaeuj, ndaej demgiengz aenndang vuedlig. Sinh- gyahboh yenzgiu yinzyenz yenzgiu fatyienh, gij gaenq raetgimcim hamz miz cungj danbwz ndeu, ndaej hanhhaed ae’ngab、 ndaeng haenz、hwnj sizcimj. Boux naengnoh mbouj hwnjnwnj hix ndaej doenggvaq gwn raetgimcim daeuj gyagiengz menjyiz hidungj.

Lauxbaeg nding: Ceiqgaenh, Yizbwnj conhgyah fatyienh ndaw lauxbaeg nding β naengz mizyauq dwk yawhfuengz gominj fanjying. Ciuq mizgven baudauj naeuz, Yizbwnj conhgyah doenggvaq dawz duznou daeuj guh saedniemh seiz ndaej rox, β naengz diuzcez ndaw sibauh doxdaengh, hawj gij nou dawz daeuj guh saedniemh haenx nanz okyienh gominj fanjying.