□ 关仕京 搜集翻译

(接上期)

Sam、 Doxbungz

相 逢

Sai: Yaek bae lawz lo gim，

Hwnj din baenzneix vaiq；

Bae mbanj rox bae gai，

Byaij baenzlai gaenjcaenq.

男：妹要去哪里， 步伐这么急；

赶圩或窜村， 如此匆忙去。

Mbwk: Goemz gyaeuj byaij mbouj

gaeuj，

Mboujliuh daeuj doxbungz；

Baez yawjraen naj mwngz，

Sim gou yungz baenz faiq.

女：低头不看前， 不料能相见；

一看到妹你， 我心松似棉。

Sai: Baez ngeix caen mboujliuh，

Roeglaej diuq ndoi hung；

Ngoenzneix daeuj doxbungz，

Dangq roengz mbwn daeuj lo.

男：实在没想过， 麻雀跃大坡；

今日来相逢， 像是从天落。

Mbwk: Gou daj din okdaeuj,

Mboujliuh couh doxbungz；

Ngeix aensim gag yungz，

Lij ndaej fwngz gaem fwngz.

女：我出门不远， 不料能遇见；

想着心自喜， 还能手相牵。

Sai: Saedceij baenzlai ndei，

Ciengeiz mbouj hawj duenh；

Mbwn cawq raeuz beixnuengx，

Mbouj duenq cungj gag raen.

男：日子这么甜， 千万莫断线；

天让做兄妹， 不约也自见。

Mbwk: Gag youq gag sim fanz，

Hongranz mbouj bae leix；

Sim caenh niemh mwngz beix，

Youq deihdeih gag dwen.

女：独住乱心绪， 家务不去理；

心老想阿哥， 独自频频提。

Sai: Haemh ninz da mbouj laep，

Gag gongznaek ndaw sim；

Ndiepgyaez nuengx baengzcingz，

Cak dungx in’gyeugyeu.

男：夜眼不合拢， 自呻吟心中；

爱恋我金妹， 自挣扎苦痛。

Mbwk: Ngoenzneix byaij doxnyangz，

Dangq bae ranz beix daengq；

Mboujmiz maz saeh gaenj，

Raeuz caez naengh yietliengz.

女：今日遇路边， 如登门约见；

如若没急事， 咱同坐聊天。

Sai: Doxroeb baenzlai ndei，

Raeuz dangq seiz dem suj；

Camh vit hong mbouj guh，

Daeuj buenzcux gangjriu.

男： 相逢这么巧， 咱像锁和钥；

搁下活不干， 来盘坐谈笑。

Mbwk: Gou caemh raen geizgvaiq，

Gwn haeuxngaiz hixhaeuh；

Ngamq yamq din okdaeuj，

Faenh gou cix haetcwi.

女：我也见奇怪， 吃午饭以后；

刚迈步出门， 喷嚏不断有。

Sai: Gou ninz daengz gyanghwnz，

Loq raen mwngz duz ingj；

Fwngz vaz gvaqbae cimh，

Gag gou ninz gwnz congz.

男：我睡到夜半， 梦见你模样；

伸手摸过去， 我独睡床上。

Mbwk:Ndaem haeux cix muengh gwn，

Aenmbwn caemh yaek couh；

Bajsien cawq roengzdaeuj，

Hawj song raeuz raen ndei.

女：插秧盼收谷， 也要天相助；

仙婆已安排， 让咱俩幸福。

Sai: Mboujliuh ngoenzneix daeuj，

Caeuq nuengx gou raennaj；

Caen mboujliuh loga，

Ndaej daihgya guhcaemz.

男：不料在今天， 与我妹见面；

实在没想到， 玩耍喜连连。

Mbwk: Ngoenzneix dwg ngoenzndei，

Song aen seiz doxcoh；

Song raeuz gag doxrox，

Baengh diegmoh faenzsan.

女：今天好日子， 两八字相安；

咱俩心相知， 凭祖宗坟山。

Sai: Mboengq neix nanzrigrig，

Dangq cuengq bit roengz fai；

Duenh neix nanz lailai，

Mbouj raen gvai ok rog.

男：这阵子难见， 像鸭下河谷；

时间长悠悠， 不见妹外出。

Mbwk: Gag ngeix sim gag unq，

Raemxda yungz baenz faiq；

Ndiep simsaeh beix lai，

Siengj daraiz fat bingh.

女：自想心自软， 眼泪溶似棉；

太爱我阿哥， 苦想病恹恹。

Sai: Duenh nanz mbouj raen gim，

Dangq dietding camx fwngz；

Duenh nanz mbouj raen mwngz，

Gou sim cungj doeknaiq.

男：隔久不见妹， 如钉扎手上；

断久不见你， 我心很沮丧。

Mbwk: Nanz lai mbouj raennaj，

Dangq seiq haj cib bi；

Vunz liz sim mbouj liz，

Raeuz cingz hix mbouj duenh.

女：太久不见面， 像别五十年；

人离心不离， 咱情意不变。

(caengz sat)