上林县大丰镇皇周小学二年级二班 韦文导

Seizcin daeuj lo, goliux heu lo, dujva hai lo, roegenq daj baihnamz mbinz ma lo.

Siujmingz、Siujhoengz caeuq Siujdingh moix vunz gaem duz yiuhrumz gyaeundei ndeu, daeujdaengz ndaw gunghyenz, siengj caj rumzcin cuengq yiuhrumz. 

Gyoengqde genjcaz yiuhrumz, miz- mbangj yawj diuz sienq cug maenh caengz, mizmbangj yawj yiuhrumz gyaeu mbouj gyaeu……  

Duz“byagim”Siujhoengz gig vaiq mbin hwnj gwnzmbwn bae lo, “byagim”dawz gwnzmbwn dangguh dah iq, youq ndaw “dah iq”youz bae youz dauq.  

Ciep dwk, duz“canghyiz”Siujmingz hix mbin hwnj gwnzmbwn lo, “byagim”caeuq “canghyiz”guhcaemz hwnjdaeuj lo，“canghyiz”mbin daengz gizlawz bae, “byagim” couh riengz daengz gizlawz.  

Doeklaeng, “duzrwi iq”hix mbin hwnj gwnzmbwn lo, sam duz yiuhrumz couh caez youq gwnzmbwn cwxcaih youzlangh.  

Seizneix, gij yiuhrumz gwnzmbwn yied daeuj yied lai. 

Baihneix miz “roeglwg”、 “duz- fungh” ……gyoengqde mbin dwk；baih- haenx miz “duzyiengz”、“duzguk” …… gyoengqde buet dwk. 

Sam boux siuj baengzyoux caez yawj yiuhrumz gwnzmbwn, angq dwk riu lo.  

（指导老师：李文杰）