Gou gyaez seizcin ndit raeujrubrub, seizhah ndit rongh- cancan, seizdoeng doeksiet foen- foen. Hoeng gou ceiq gyaez lij dwg gij cingzcik hung seizcou.

Dahsau seizcou daj gwnz- mbwn mbin gvaq seiz, mbwn couh bienq ndaej lamzyubyub, lumj daihhaij yawj mbouj daengz bien ityiengh, ndaw lamzyubyub haenx, miz geij duj fwjhau youzyedyed, couh lumj ruziq youq ndaw haij youz ityiengh.

Dahsau seizcou daeuj daengz ndaw ndoengfaex, hawj ndoeng- faex rieg geu buh seizcou, mbawfaex daj gwn nyefaex foenfoen doek roengzdaeuj, couh lumj duz mbungqmbaj menhmenh diuqfoux nei. Gou bae ndaw ndoengfaex gip mdawfaex dauqbae ranz, doq baenz fuk doz gyaeundei he.

Dahsau seizcou daeuj daengz ndaw suenmak, makleizsan mbe bak riu mdouj dingz; baenz roix baenz roix makit venj youq gwnz gyaq, hawj vunz myaiz rihyoek- yoek; makmbae lumj baenz aen baenz aen daengloengz henj venj youq gwnz go, makgam ndonj gyaeuj ok guengh mbaw heu daeuj, cingq angq dwk ne?

Seizcou caen gyaeundei ha! Gou gyaez seizcou.

(指导老师：李金帅)

我爱秋天

德保县隆桑中心校五年级 陆 伊