Byaekbohcai ndaej ciengx lwed nyinh yaem, doiq boux youq seizcin ciengzseiz aenvih yaem daep mbouj gaeuq yinxhwnj baenz hezyaz sang、gyaeuj ngunh da raiz、bingh- nyouhdangz caeuq lwedhaw daengj cungj miz haemq ndei ceihyw cozyung. Ciuq baihlaj geij aen cawjfap bae guh couh ndaej dabdaengz giep bingh muzdiz:

1、Hezyaz sang、gyaeuj in、da raiz、haexgaz: Aeu byaekbohcai lienz rag 100 gwz, dwk roengz raemxgoenj bae log 3 faen cung, vez hwnj rwed youzlwgraz gyaux gwn, ngoenz 2 baez.

2、Da yawj doxgaiq mbouj cingcuj、gyaeuj ngunh gen ga saenz: Aeu byaekbohcai、ngaeux ndip gak 200 gwz. Swiq byaekbohcai seuq dwk roengz raemxgoenj bae log yaep ndeu vez hwnj; dat naeng ngaeux le ronq baenz gep, dwk roengz raemx- goenj bae log cug le dwk gyu、youzlwgraz、veicingh gyaux yinz gwn, ndaej cing daep raeh da.

3、Da myox、song da hawq saep: Byaekbohcai、daep yiengz gak 500 gwz. Coemh raemx goenj le dwk daep yiengz roengz, caiq goenj yaep ndeu dwk byaekbohcai、gyu、youz- lwgraz、veicingh couh baenz gwn, ndaej ciengx daep raeh da.

4、Noix diet lwedhaw、ndaeng ok lwed、haex ok lwed、binghlwedvaih: Aeu byaekbohcai、lwedmou cug gak 500 gwz. Sien dwk lwedmou roengz rek cauj le dwk di laeuj ndeu, cauj hawq caiq dwk raemxnoh、gyu、mba hozceu、byaekbohcai itheij cawj goenj le daek hwnj gwn. Cungj dang neix ndaej ciengx yaem seng lwed.

Mboujgvaq, byaekbohcai hamz caujsonh haemq lai, ndaej laengzdangj aenndang bouxvunz supsou gai. Ndigah, mwh gwn byaekbohcai seiz sien dwk roengz raemxgoenj bae log unq caiq vez hwnj cauj gwn. Aenvih lwgnding nyeznomj aeu bouj gai, mbangj lij baenz feigezhwz noix gai、baenz binghndokunq、mak gietsig、baenzsiq daengj, wngdang siuj gwn roxnaeuz mbouj gwn byaekbohcai.