Mehdaiqndang miz haujlai gimqgeih, aenvih gak cungj yenzyinh cungj rox sienghaih daengz lwgndawdungx. Aeu geih gwn baihlaj geij cungj doxgaiq:

Haeuxlidlu. Yozlij saedniemh cwngmingz, haeuxlidlu ndaej hawj rongzva fat angq, ndaej coihawj rongzva sousuk, ndigah gojnwngz rox yaeuhfat baenz lonlwg.

Byaekiemjsae. Byaekiemjsae baenz yw caemh ndaej dang byaek gwn, singq caepliengz. Saedniemh cwngmingz, raemx byaekiemjsae ndaej hawj rongzva fat angq, ndaej hawj rongzva sousuk lai baez, yungzheih cauhbaenz lonlwg.

Guenqdaeuz sizbinj. Mwh guh guenqdaeuz gocwngz ndawde demgya miz itdingh soqliengh denhgyahci, caenhguenj doiq bouxvunz ndang ndei yingjyangj mbouj daih, danhseih mehdaiq- ndang gwn daiq lai doiq gengangh mbouj ndei. Linghvaih, guenqdaeuz sizbinj bingq mboujmiz maz yingzyangj gyaciz, ginggvaq gauh- vwnh cawqleix le, veizswnghsu caeuq yingzyangj cwngzfwn wnq gaenq deng itdingh cingzdoh buqvaih bae.

Byaekbohcai. Ndaw byaek- bohcai hamz diet mbouj lai, danhseih cix hamz miz caujsonh gig lai. Caujsonh ndaej yingjyangj supsou sinh caeuq gai, ndigah rox yingjyangj lwgndawdungx sengmaj fazyuz.

Maksanhcah. Mehdaiqndang haemq haengj gwn soemj, dingzlai dwg siengj gwn maksanhcah. Maksanhcah ndaej hawj rongzva fat angq, gwn lai rox hawj rongzva sousuk yinxbaenz lonlwg.

Daepmou. Mehdaiqndang gwn daepmou daiq lai, daihliengh veizswnghsu A couh haeuj daengz ndaw ndang bae, guhhaih lwg- ndawdungx engq daih, caemhcaiq rox cauhbaenz lwgndawdungx bienqhingz.