□ 关仕京 搜集翻译

(接上期)

Sai: Caet nyied duz roegenq，

Mbin seiqlengq bae youz；

Ndwen caet haeuj laebcou，

Baez gvaqdaeuj nuengxgim.

男：七月燕无忧， 到处飞去游；

七月立秋至， 妹来是时候。

Mbwk:Caet nyied beix gaej muengh，

Hong nuengx guh caengz caez；

Ndawsim yienznaeuz gyaez，

Cungj mbouj ndaej bae cimh.

女：七月哥别盼， 妹活未干完；

心里虽然爱， 仍无法去探。

Sai:Haeuj begloh coufaen，

Faenh nuengx nyaengq gaiqmaz；

Daeuj saek yaep lo ga，

Lau boh ndaq hix naeuz？

男：已进秋分呀， 妹还在忙啥？

只想见一面， 还怕父亲骂？

Mbwk: Gauq begloh coufaen，

Go mbouj baenz cungj ok；

Faenh nuengx boux vunz dog，

Nanz ok rog guhcaemz.

女：白露秋分了， 庄稼要收割；

我独个一人， 难外出寻乐。

Sai:Caiq daengq daengz ndwen gouj， Nuengx gvaqdaeuj guhcaemz；

Daengz suenggangq mbouj raen，

Dangq ruz caem gyang haij.

男：约九月妹乖， 玩耍你要来；

到霜降不见， 似船沉入海。

Mbwk:Ndwen gouj gaej muengh

nuengx，

Yienghyiengh yaek ganj sou；

Ndaej hoengq menh gvaq-

daeuj，

Caez song boux doxraen.

女：九月没盼头， 妹样样要收；

有空再过去， 咱俩乐个够。

Sai: Cib nyied duz roeglaej，

Daj byai faex doxroengz；

Ndwen cib haeuj laebdoeng，

Muengh saudoengz daeuj cimh.

男：十月麻雀仔， 从树枝下来；

十月入立冬， 望友女访寨。

Mbwk:Nuengx youq laeng ndwen cib，

Yaek sousib nazhaeux；

Mbouj ndaej hoengq gvaq-

daeuj，

Cingj beix gou yienzliengh.

女：妹在十月间， 要收割稻田；

没闲暇过去， 请我哥莫怨。

Sai: Cib’it nyied doengceiq，

Nuengx simndei gvaqdaeuj；

Reihnaz hix mbouj haeuj，

Gvaqdaeuj gaeuj beixlungz.

男：十一月冬至， 妹心闲过来；

农活已没有， 来看哥才乖。

Mbwk: Nuengx youq ndwen cib’it，

Gaeqbit yaek ganj gai；

Gaej yungh gaenj baenzlai，

Nyaenxnaih di beixlwnz.

女：十一月一来， 拿鸡鸭去卖；

不要那么急， 阿哥请忍耐。

Sai: Cibngeih nyied daihhanz，

Beix cam nuengx coenz soh；

Ndaej goq mbouj ndaej goq，

Doxdoq caemh mbouj baenz！

男：腊月大寒到， 妹实话相告；

能来不能来， 总戏弄不好！

Mbwk: Cingj beix gaej lai sim，

Cingj gim gaej lai eiq；

Gaej you lai ha beix，

Youq ndwen neix raennaj.

女：请哥别多疑， 请金莫在意；

阿哥别忧愁， 本月去见你。

Sai: Nuengx lingx beix caencingz，

Beix lingx gim caen’eiq；

Yaek daengz seizlawz bae，

Cij raenndei nuengx hae.

男：妹领哥真情， 哥领妹真意；

要等到何时， 才与妹欢聚。

Mbwk:Miz gijmaz vah gaenj，

Cix sij saenq hawj gou；

Miz maz saeh gaenj naeuz，

Fak vah daeuj doxraen.

女：有什么急言， 给我发信件；

有事急相告， 托话来相见。

Sai: Duenq baenzbaenz mbouj daengz，

Sim gou ndaenq dangqmaz；

Ciuq gij hong mwngz ga，

Lij ndaej haq dem rawz？

男： 相约总不理， 我怨恨无比；

你恁多活儿， 还能嫁出去？

Mbwk:Beix duenq ndwen dem ndwen，

Sim nuengx vueng liux laeu

(lo)；

Ciuq ndwencieng ndaej daeuj，

Song raeuz baenz bohmeh.

女：哥约月连月， 妹心乱如麻；

等到正月来， 咱俩当爹妈。

Sai: Dingq fajbak mwngz naeuz，

Youqyouq caiq gag niemh；

Hawj caenh lienh caenh lienh，

Mbatneix ienq mboujcaengz？

男：听你嘴巴吹， 每每自陶醉；

让人苦苦恋， 这下可后悔？

Mbwk: Daj ngoenzneix doxbae，

Mbouj guh bouh neix law；

Bae yaep mbanj yaep haw，

Gvaq lawz cungj doxcaeh.

女：从今天以后， 耍贫不再有；

赶圩或访寨， 上哪都携手。

(caengz sat)