Geij ngoenz gonq, boux ganbu Ginhcouh Si Nungzyezgiz soemh fwn bae daengz Ginhcouh Si Ginhbwzgih Banjcwngz Cin Mbanjdunzmou, mienxngaenz soengq haeuxceh cauh- giz daengz mbanj hawj nungzminz, gyoengq nungzminz lingx ndaej haeuxceh le bouxboux angqvauvau, cungj naeuz itdingh ndaem ndei haeux, ceng’aeu demsou.

Mbanjdunzmou dwg aen mbanj gwzming laujgih ndeu, yienznaeuz vunz lai naz siuj, hoeng, vunzmbanj yawjnaek gohyoz dajndaem, cib lai bi daeuj, bibi coih miengraemx, seizdoeng oemq bwnh, sijsaeq dajcae dajndaem, mbouj vut fwz saek faen naz. Doengh bi neix daeuj, ndaem haeuxcauhgiz ciemq dajndaem mienhcik 70% doxhwnj, moix moux bingzyaenz sou haeux 900 goenggaen.

Aenvih Mbanjdunzmou ndaem haeux goekdaej ndei, vihliux baujcingq nungzminz ndaem haeux ndaej demsou, Ginhcouh Si Nungzyezgiz ndaej Swcigih Nungzyez Dingh bangcoh, guh “Soengq Ceh Ndei Roengz Mbanj” hozdung, mienxngaenz soengq haeuxceh hawj Mbanjdunzmou, miz100 ranz lingx ndaej haeuxceh. (Yangz Yungjgiz)