Ngwencieng cibseiq, fanh lai vunz doxcomz youq Gunghcwngz Yauzcuz Swciyen Sanhgyangh Yangh Mbanjsizgouj angqhoh ngoenzhoih beixnuengx Yauzcuz. Mbanjsizgouj dwg Gunghcwngz aen mbanj beixnuengx Yauzcuz comzyouq ceiq lauxgeq ndeu, daj gunghyenz 1425 nienz hainduj couh youq ngoenz ndwencieng cibseiq guh ngoenzhoih hozdung. Guh hozdung ngoenzde, vunzmbanj gaj vaiz caeq Banzvuengz、roq laz vat deih、diuq foux gaeuyiengz、ciengj bauqva, nauhyied dangqmaz. Aen minzsuz hozdung neix, dwg naeuz hainduj guh hongnaz bineix lo.

(Mung Vaz)