3 nyied 3 hauh lajbyonghngoenz 3 diemj, Cunghgoz Yinzminz Cwngci Hezsangh Veiyi Cibngeih Gaiq Daengx Guek Veijyenzvei Daih’it Baez Veiyi youq Yinzminz Daveidangz heij hai lo. Daengx Guek Cwnghez Cibngeih Gaiq Daih’it Baez Veiyi wnggai miz 2237 boux veijyenz camgya, saedcaeq miz 2206 boux camgya.

Baez daihhoih neix cujyau yicwngz miz: Dingqaeu nem saemj- lwnh《Daengx Guek Cwnghez Cangz- veijvei Gunghcoz Baugau》youz Cib’it Gaiq Daengx Guek Cwnghez cujsiz Gyaz Ginglinz guh haenx, dingqaeu nem saemjlwnh《Daengx Guek Cwnghez Cangzveijvei Dizan Gungh- coz Cingzgvang Baugau》 youz Cib’it Gaiq Daengx Guek Cwnghez fucujsiz Van Gangh guh haenx, camgya Cibngeih Gaiq Daengx Guek Yinzda Daih’it Baez Veiyi, dingqaeu caemhcaiq yaenglwnh cwngfuj gunghcoz baugau、Cuigauh Yinzminz Fazyen gunghcoz baugau、Cuigauh Yinzminz Genjcazyen gunghcoz baugau、gij gangjmingz《Gozvuyen Gihgou Gaijgwz Nem Ciznwngz Gaijbienq Fangh’an》, senj Cib- ngeih Gaiq Daengx Guek Cwnghez cujsiz、fucujsiz、misuhcangj、cangzvuveijyenz, saemjlwnh caemh- caiq doenggvaq Daengx Guek Cwnghez Cibngeih Gaiq Daih’it Baez Veiyi cwngci gezyi daengj gezyi nem baugau.

Baez daihhoih neix gungh hai 9 ngoenz, daengz 3 nyied 12 hauh banhaet haisat. (ciuq Sinhvazse)