3 nyied 5 hauh banhaet, Cibngeih Gaiq Daengx Guek Yinzda Daih’it Baez Veiyi youq Baekging cingqsik ciuhai.

Baez daihhoih neix yicwngz baugvat: Dingqaeu nem saemjlwnh cwngfuj gunghcoz baugau、saemjcaz nem baecinj giva baugau、saemjcaz nem baecinj yawhsuenq baugau, byaujgez doenggvaq daengx guek yinzda caizgingh veijyenzvei gij mingzdan bouxgyoebbaenz haenx, dingqaeu nem saemjlwnh Daengx Guek Yinzda Cangzveijvei gunghcoz baugau、Cuigauh Yinzminz Fazyen gunghcoz baugau、Cuigauh Yinzminz Genjcazyen gunghcoz baugau, saemjlwnh gozvuyen gihgou gaijgwz nem ciznwngz gaijbienq fangh’an, senj Cibngeih Gaiq Daengx Guek Yinzda Cangzveijvei veijyenzcangj、fuveijyenzcangj、misuhcangj、veij- yenz, senj gozgyah cujsiz、fucujsiz, gietdingh doenghboux hab guh gozvuyen cungjlij, gietdingh doengh- boux hab guh gozvuyen fucungjlij、gozvu veijyenz、gak bu bucangj、gak veijyenzvei cujyin、Cunghgoz Yinz- minz Yinzhangz hangzcangj、sinj- gicangj、gozvuyen misuhcangj, senj cunghyangh ginhveij cujsiz, gietdingh doenghboux hab guh cunghyangh ginhveij fucujsiz、veijyenz, senj Cuigauh Yinzminz Fazyen yencangj, senj Cuigauh Yinzminz Genjcazyen yencangj, byaujgez doenggvaq gijwnq bet aen Daengx Guek Yinzda Cienmonz Veijyenzvei gij mingzdan doenghboux gyoebbaenz haenx, saemjlwnh daihhoih gak hangh gezyi caujan, daezcingj daihhoih byaujgez.

Daihhoih dungyenz daengx guek gak cuz yinzminz gaenjmaed doxgiet youq henz dangjcunghyangh aeu Siz Ginbingz guh cungjsuhgi haenx, vunzlai caezsim, haenqrengz baenaj, caenh’itbouh doihaeuj guek raeuz gak hangh gaijgwz hailangh saehnieb fazcanj baenaj, vih saedyienh cienzmienh laebbaenz siujgangh sevei aen muzbyauh neix nyinhcaen roengzrengz.

Baez daihhoih neix gungh hai 12 ngoenz buenq, yaek youq 3 nyied 17 hauh banhaet haisat. Ndaw doz dwg gyoengq saujsu minzcuz daibyauj daenj ndangdaenj moq ndei camgya gaihmusi. (ciuq Sinhvazse)