Gwnndoet aeu miz gvilwd caemhcaiq veiswngh.

Saekseiz gwn haeux daiq caeux roxnaeuz daiq ceiz, mbangjseiz gwn lai mbangjseiz gwn noix, roxnaeuz seizbienh gwn huqgyoet、saejdaeuz, hawj dungxsaej gunghcoz yaep gaenj yaep soeng, dungxsaej couh yungzheih ndaej bingh. Gwnndoet mbouj veiswngh, gwn gijgwn mwt yungzheih dengdoeg. Ndigah, mwh gwn doxgaiq seiz, aeu haeujsim singjsien、seuqcingh, caemhcaiq gwnndoet aeu miz gvilwd, yienghneix dungxsaej cij mbouj yungzheih ndaej bingh.

Gwnndoet aeu cit.

Boux dungx miz bingh gwnndoet aeu raeuj unq cit, guh daengz gwn siuj gwn lai donq、dinghseiz dinghliengh, hawj ndaw dungx ciengz miz gijgwn cunghab veisonh, fuengz veisonh gaet nemmuek aendungx caeuq giz biux naeuh. Mwh gwn doxgaiq aeu nyaij mienz menh ndwnj, gaej gwn huqndip huqgyoet, fuengz nemmuek aendungx deng gig, coi giz biux naeuh bienq vaih caeuq fukfat.

Cingzsi aeu vaiqvued.

Yenzgiu byaujmingz, aendungx caeuq cibngeihcijcangz biux naeuh caeuq bouxvunz simleix、singqcingz miz gvanhaeh maedsaed. Youcaeuz gvaqbouh、siengsim、dwglau、gaenj- cieng、fathuj cungj rox fat baenz binghdungxsaej. Ndigah, yawhfuengz caeuq ceihyw binghdungxsaej, aeu ciengzseiz baujciz simcingz vaiq- vued, baujciz vuenheij, mienxndaej deng ndaej leih lainoix、yousim、linjlau、gaenjcieng、youcaeuz daengj mbouj ndei yinhsu daeuj gig.