Bi’gvaq, Denzyangz Yen daihlig saedhengz“minzswngh gunghcwngz”, hawj 30 lai fanh minzcuz ginzcung youq gyauyuz、 ciuyez、 yihbauj daengj fuengmienh ndaej souh’ik.

Saedhengz gyauyuz gunghgenh gunghcwngz, hawj“siengj hag miz son”hwnjguh bingzdaiz moq. Gungh roengz 5535.7 fanh maenz, gensez ranz hagdangz ancienz gunghcwngz hanghmoeg、yivu gyauyuz gaihdon cienzngaenz bangbouj vunzlai yungh、“hagseng yingzyangj gaijndei giva”sawqdiemj gunghcoz daengj, 2 fanh lai hagseng souh’ik.

Saedhengz lauzdung gisuz beizyin gunghcwngz, vih“guh hong ndaej gwn”gaq hwnj giuz lienzsim. Gungh cujciz ciuyez ginwngz beizyin 3719 vunz, daengx yienh ndawsingz demgya ciuyez vunzsoq 2086 vunz, hawj lajmbanj gij lauzdungliz lw haenx ndaej ciuyez demlai 6183 vunz.

Saedhengz ndawsingz lajmbanj yihliuz hawj vunzlai souh’ik gungh- cwngz, vih“bingh miz giz yw”daezhawj nemndang fuzvu. Dangqnaj, aen yienh neix doenghboux cizgungh nem bouxyouq ndawsingz camgya gihbwnj yihliuz baujyenj haenx 38054 vunz, doenghboux nungzminz camgya sinh nungzhoz baujyenj haenx 280950 vunz, daengx yienh sinh nungzhoz gihginh ceiok 8500 lai fanh maenz, nungzminz miz 253907 vunzbaez souh’ik.

(Vangz Lenzyangh)