●Ciuq Swcigih Nungzyez Dingh ngamq dungjgi: bi’gvaq gih raeuz dajndaem byaek seizdoeng nem seizcou engq vaiq, daengx bi ndaem byaek seizdoeng nem seizcou 1111.95 fanh moux, doengzbeij demlai 74.34 fanh moux.

(Danz Gaijhingh)

●Duenh neix, Gveibingz Si okmoq senhconz lijnen、hingzsik、caidij, doenggvaq Heiqmoegyou、Yezgiz、Fwen Yauzcuz daengj vwnzyi minzcuz conzdungj, guh- angq youh senhconz, hawj vunzlai yungzheih roxyiuj dangj Cibbet Daih cingsaenz, neix baenz aen si neix senhconz dangj Cibbet Daih cingsaenz diemjrongh he.

(Yenj Cwngcaiz)

●Gaenh bi daeuj, Yungzsuij Myauzcuz Swciyen Minzcuz Cunghyoz doihengz“dijyuz yisuz 2+1”, couhdwg hagseng youq yozyau hagsib geizgan yaek gaemdawz 2 hangh dijyuz nem hangh vwnzyi dwzcangz he, mboujduenh daezsang hagseng cunghab suciz.

(Gungh Siengzyouj)

●Geij ngoenz gonq, Hocouh Si Bingzgvei Gvanjlij Gih Ngoz- dangz Cin mbanj Bouxcuengh—— Luzgangj Cunh ndaej senj haeuj daih’it buek “Cungguek mbanj conzdungj”mingzloeg.

(Vangz Ligenh)

●Bi’gvaq, Cungzcoj Si cib- geij aen minzcuz mauyi nem canjbinj giyez gungh ndaej youhvei daigvanj diepsik 1295.82 fanh maenz, doengzbeij demhwnj 9.25%, neix sawj dangdieg minzcuz gingh- ci fazcanj ndaej engq vaiq.

(Lingz Yungjsiengz Luz Gunh)

●Daengz dangqnaj, Bingzgoj Yen Sinhanh Cin 18 aen hingzcwngcunh guhsat“it saeh it lwnh”hanghmoeg 49 aen, gak gaep cwngfuj roengz cienzngaenz caiz- cwng ciengjbouj 3199975 maenz, 41290 vunz souh’ik.

(Vangz Cinhhoz)