巴马：六步骤开展壮语资源电子化工作

Bi’gvaq 6 nyied daengz 12 nyied, Bahmaj Yauzcuz Swciyen cujciz gaihcanj soucomz Vahcuengh fanghyenz yijyinh swhliu, gensez ndei yijyenz swhyenz miz sing sugigu, neix hawj baezlaeng haeujlaeg yenzgiu nem mizyauq haifat leihyungh engq fuengbienh, henhoh minzcuz yijyenz vwnzva yizcanj.

It dwg bienguh《Bahmaj Vah- cuengh Yijyinh Soucomz Sawloih》. Gaengawq Vahcuengh yinhcezswz、swzcuj faenloih, ciuq dungswz、hingz- yungzswz daengj Vahcuengh yijyinh soucomz sawloih. Ngeih dwg dingh giz diucaz nem boux ciepsouh diucaz. Dingh 11 giz dieg diucaz, baugvat daengx yienh 9 aen yangh (cin). Moix giz diucazdenj aeu gij yaem Vahcuengh dangdieg 4 boux gangj haenx, doengh- boux ciepsouh diucaz faenbied dwg 2 boux bouxsai、2 boux mehmbwk, doenghboux neix gangj Vahcuengh dangdieg gig bienz caemhcaiq nienzgeij ndaej 17 daengz 45 bi. Sam dwg guh hong haeuj dieg diucaz aeu yaem. 6 daengz 9 nyied, haeuj gizdieg bae diucaz loegyaem, ingj siengq nem loegyaem bouxfatyaem doeg sawcih、sawloih、yijfaz、gojgaeq dingh gangj、gag gangjvah daengj. Seiq dwg cingjleix gyagoeng. 10 nyied, cingj- leix loegyaem, cobouh genj, guh gvanghbanz. Haj dwg bienguh doz fanghyenz Vahcuengh. 11 nyied, faencek gij soqgawq fanghyenz Vahcuengh, liuxle guh doz fanghyenz Vahcuengh ceiq moq haenx. Roek dwg laebguh yijyinh sugigu. 12 nyied, laebguh fanghyenz Vahcuengh yijyinh sugigu, vih sevei daezhawj yijyenz swhyenz. (Vangz Cujcinh)