Bi’ndwen lumj raemx lae

Doeng gvaqbae cin daeuj

Raeuz gvaq cieng sim raeuj

Gwn laeuj le ngonz heiq

Byaij gvaq bilungz ma

Saedceij gvaq ndaej vaiq

Dangj hai Cibbet Daih

Seiqgyaiq hix yawj ndei

Byaij seveicujyi

Miz Cungguek daegsaek

Gaijgwz yied haeujlaeg

Gaihfang naek guek giengz

Cwngzcinva gensez

Gunghyezva hwnj mbaek

Canjbinj caen oksaek

Cizlieng daegbied ndei

Haeuxgwn canjlieng fouq

Laebdaeb gouj bi maj

Raeuz byaij mbouj dingz ga

Bibi ma ndaej laux

Bo loeg raemx youh heu

Seiqhenz seuq youh cingh

Lajmbanj caeuq ndawsingz

Caez vwnzmingz gyaeundei

Hagsib Cibbet Daih

Dingq baihgwnz senhconz

Ndaej swhliu daeuj ngonz

Sim an’onj bae guh

Cibbet Daih cingsaenz

Aeu guh baenz siujgangh

Diuzloh baihnaj gvangq

Hwnj mbaeksang fouqmiz

Gaijgwz aeu haeujlaeg

Gaihfang yaek mbe’gvangq

Riengz gaenj Dangjcunghyangh

Vuenyungz rangh ndaej raez

Gvaq cieng ciengq Heiqcuengh

Beixnuengx caemh angqyangz

Coenzheiq caez danq dangj

Coh siujgangh bae nyaemz